antimoon
website က by Tomasz P. Szynalski ရေးတဲ့
Three biggest challenges facing an English learner ကိုဘာသာပြန်ပေးထားပါတယ်။
ကျွန်တော့်ရဲ့အမြင်မှတ်ချက်တစ်ချို့ကို စာလုံးစောင်းနဲ့ကွင်းခတ်ပြီးထည့်ပေးထားပါတယ်။
၁။ အင်္ဂလိပ်ဘာသာစကားလေ့လာချင်စိတ်ပျိုးထောင်ခြင်း
အင်္ဂလိပ်ဘာသာစကား
လေ့လာသူအားလုံးကတော့ အင်္ဂလိပ်စကား ကောင်းကောင်းပြောတတ်ချင်ကြပါသည်။ သူတို့ဟာ အင်္ဂလိပ်စကားနဲ့သွက်သွက်လက်လက်
ဆက်သွယ်ပြောဆိုနိုင်မယ်ဆိုတဲ့ အတွေးနဲ့တက်ကြွနေတတ်ပါတယ်။ သို့သော်လည်း သူတို့ဟာ အင်္ဂလိပ်စာလေ့လာမှုဖြစ်စဉ်ကို
ကိုယ်တိုင်ကိုယ်ုကျတော့ စိတ်ဝင်တစားမရှိတတ်ကြပါဘူး။ စာသင်သားအများစုအတွက် အင်္ဂလိပ်စာလေ့လာချင်းဆိုတာဟာ
မလုပ်မဖြစ်လုပ်ရမယ့် တာဝန်ကြီးတစ်ရပ်လို ဖြစ်နေပါတယ်။ အင်္ဂလိပ်စာလေ့လာမှုမှာ ပျော်စရာမတွေ့တတ်ကြပါဘူး။
အတိုချုံ့ပြောရရင်တော့
လေ့လာသူအများစုဟာ အင်္ဂလိပ်လိုပြောတတ်ချင်ပေမယ့် အင်္ဂလိပ်စာမလေ့လာချင်ကြပါဘူး။ ဒါဟာ စာသင်သားတွေရဲ့
နံပါတ်တစ် အကြီးမားဆုံးပြဿနာတစ်ခုပါပဲ။ ဘာကြောင့်လဲဆိုတော့ စာမသင်ချင်တဲ့လူအတွက် စာတတ်ဖို့မလွယ်ပါဘူး။
အင်္ဂလိပ်စာကို သင်ကမချစ်ရင် အင်္ဂလိပ်စာကလည်း သင့်ကိုပြန်ချစ်မှာ မဟုတ်ဘူးလေ။
(ဒါဟာတကယ့်အမှန်တရားပါပဲ။
ကျွန်တော်စာသင်ခဲ့သမျှတစ်လျှောက်လုံး ကျောင်းသားတွေကိုစိတ်ဓါတ်မြင့်တင်ပေးရတဲ့အလုပ်ဟာ
အခက်ခဲဆုံးပါပဲ။ ဘယ်လောက်ပဲ သူတို့ကို အင်္ဂလိပ်စာတတ်ခြင်းရဲ့အကျိုးကျေးဇူးတွေရှင်းပြရှင်းပြ
သူတို့ဟာ ဆရာတစ်ယောက်သင်တဲ့အတန်းထဲလာထိုင်တာနဲ့ အင်္ဂလိပ်စာပြောတတ်ရေးတတ်မယ် ထင်နေကြတုန်းပါပဲ။
တစ်ချို့ကျောင်းသားတွေကတော့ မိဘကတက်ခိုင်းလို့၊ ကိုယ့်ရည်းစား၊ သူငယ်ချင်းရှိတဲ့အတန်းမို့လို့
အပျော်လာတက်ကြသူတွေလည်းရှိပါရဲ့။ သူတို့ကတော့ နဂိုတည်းက စာတတ်ချင်စိတ်မရှိတာမို့ ကျွန်တော့်ရဲ့
မြင်ဆရာကြားဆရာ ကိုကျော်သူရိန်ပြောသလို I don't care for losers. လို့ပဲပြောရမယ် ထင်ပါတယ်။
တစ်ခါတစ်ရံကျတော့လည်း learning must be fun ဆိုလို့ ရယ်ရဖို့လောက်ပဲအားထုတ်နေရင်လည်းအဓိကလမ်းကြောင်းက
လွဲသွားနိုင်ပါတယ်။)
