Wednesday, May 02, 2012

အင်္ဂလိပ်စာလေ့လာရာတွင် အသိများလေ ပိုလွယ်လေ

အကြားသန်ရန်အားထုတ်ရာတွင် အင်္ဂလိပ်စာလေ့လာရသည့် ရည်ရွယ်ချက်ပေါ်မူတည်ပြီး ဘာကို နားထောင်မလဲ ဆိုသည်မှာလည်း ကွဲပြားသွားနိုင်သည်။ ပညာရပ်တစ်ခုကို အင်္ဂလိပ်စကားပြော တက္ကသိုလ်တစ်ခုတွင် သင်ယူဖို့ ရည်ရွယ်ပါက လက်ချာဟု အများခေါ်ကြသော ဟောပြောပို့ချချက်များကို နားလည်နိုင်စွမ်းရှိရမည်။ ထို့့ပြင် ၀ိုင်းဖွဲ့ဆွေးနွေးပြောဟန် (seminar) ကိုလည်း ယဉ်ပါးထားရပါလိမ့်မည်။
ထိုသို့ နားထောင်စရာများကို အင်တာနက်စာအိမ်များပေါ်တွင် ရှာနိုင်ပါသည်။ အင်္ဂလိပ်စာ လေ့လာ သူများအတွက် သီးသန့်ဟောပြောချက်များကိုမူ သိပ်ရှာတွေ့မည်မဟုတ်ဘဲ ပုံမှန်စကားပြောနှုန်းဖြင့် ပြောသော ဟောပြောမှု၊ ဆွေးနွေးမှု စကားပြောများကိုသာ များသောအားဖြင့် နားထောင်နိုင်ပါလိမ့်မည်။ bbcworldservice.com bbc.co.uk စာအိမ်များတွင် အကြောင်းအရာအမျိုးမျိုးကို ဆွေးနွေးဟောပြောထားသော နားထောင်စရာများစွာ ရှိပါသည်။
ဤနေရာတွင် အခက်အခဲတစ်ခုရှိပါသည်။ ပြောသော အသံများ၊ စကားလုံးများကို အကုန် ဖမ်းမိလျင်သော်မှ နားမလည်လိုက်သော အဖြစ်မျိုးရှိနိုင်ပါသည်။ အဘယ်ကြောင့်ဆိုသော် ဆွေးနွေး ဟောပြောသော အကြောင်းအရာကို တီးမိခေါက်မိမရှိသောကြောင့်ဖြစ်ပါသည်။ ဥပမာ ဘီဘီစီ အင်္ဂလိပ်ပိုင်းရှိ သိပံ္ပဆိုင်ရာ သတင်းလွှာသော်လည်းကောင်း၊ ကျန်းမာရေးဆိုင်ရာ ဆွေးနွေးမှု အစီအစဉ်သော်လည်းကောင်း၊ စာပေဆွေးနွေးမှုများကိုလည်းကောင်း နားထောင် ရာတွင် ထိုအကြောင်းတို့ ၏ အခြေခံ သဘောများကိုအနည်းငယ် တီးမိခေါက် မိရှိထားပါက မြန်မြန်နားလည် နိုင်ပါလိမ့်မည်။
မေးစရာရှိပါသည်။ ထိုအရာတို့ကို မသ်ိပါ။ ကျောင်းတွင်မသင်ခဲ့ရပါ။ ထို့ကြောင့် ဘယ်လိုသိနိုင်မလဲ။ သတိပြုစရာ တစ်ခုရှိပါသည်။ ၎င်းရေဒီယို အစီအစဉ်များမှာ သိပံ္ပပညာရှင် စာပေပညာရှင် ကျန်းမာရေးပညာရှင်များအတွက်သာ သီးသန့်ထုတ်လုပ်ထားသည် မဟုတ်ပါ။ သူလိုကိုယ်လို သာမန်နားဆင်သူများအတွက် မေးမြန်းဆွေးနွေးထားချက်များ ဖြစ်ပါသည်။ မေးမြန်းသူက နားထောင်သူများ လိုက်နိုင်မည်ဟု ထင်သည့်နေရာက စထားတတ်ပါသည်။ ထို့ကြောင့် ထိုအရာတွေကို မသိ၍ စနားမထောင်ဘူးဟု ဆင်ခြေမပေးသင့်ပဲ အကြောင်းအရာအသစ်များကို စိတ်ဝင်စားအောင် အားထုတ်သင့်ပါသည်။