Saturday, April 30, 2011

ဆရာကြီး ဦးသာနိုးရဲ့ ဆောင်းပါး(၂)

Noun
သမာရို:ကျသဒ္ဒါမှာတော့ ၀ါစင်္ဂရှစ်ပါး ( Eight Parts of Speech ) ရယ်လို့ဆိုတယ်။ Noun, Verb, Pronoun, Adjective, Adverb, Preposition, Conjunction, Interjection ပါတဲ့။ ကနေ့ခေတ် သဒ္ဒါများမှာတော့ အဲ့လိုမခွဲတော့ဘူး။ Lexical words ( အဓိပ္ပါယ်စကား ) နဲ့ Structural words ( အဆောက်အအုံ စကားလုံး ) ရယ်လို့ အဓိကအပိုင်းနှစ်ပိုင်း ခွဲလိုက်ပါတယ်။Lexical words ထဲမှာ Noun, Verb, Adjective, Adverb လို့ ခွဲလိုက်ပါတယ်။ Noun အကြောင်းစပြီးပြောမယ်....

Countable / Uncountable
Noun တွေကို ကျက်မှတ်ရာမှာ အေ၇းအကြီးဆုံးကတော့ ရေတွက်လို့ရတဲ့ Noun လား (Countable Noun)၊ ရေတွက်လို့မရတဲ့ Noun လား ( Uncountable Noun ) ခွဲခြား မှတ်ထားဖို့ပါပဲ။ အကြောင်းးကတော့....
၁။ Countable Nouns တွေမှာသာ Singular ( ဧက၀ုစ်ကိန်း ) နဲ့ Plural ( ဗဟုဝုစ်ကိန်း ) ရယ်လို့ Number ခွဲခြားမှု့ရှိပါတယ်။ Uncountable Noun တွေမှာ Singular သာရှိပြီး Plural မရှိပါဘူး။( ရှိခဲ့ရင် အဓိပ္ပါယ် အပြောင်းအလဲ ရှိပြီ။ )
၂။ Countable Noun တွေကိုသာ indefinite article လို့ ခေါ်တဲ့ a, an နဲ့တွဲသုံးနိုင်ပါတယ်။ Uncountable Noun တွေကို မသုံးနိုင်ပါဘူး။ ရေတွက်လို့ရတယ်၊ မရဘူးဆိုတာ အကြမ်းဖျင်းပြောရရင် လွယ်တယ်လို့ထင်စ၇ာပါပဲ။ ဒါပေမယ့် တစ်ချို့ အင်္ဂလိပ်စကားလုံးများကို ကျောင်းသားက ရေတွက်လို့ ရတယ်လို့ ထင်မှတ်မှားကြတယ်။ ဥပမာ.. paper - စက္ကူ၊ bread - ပေါင်မုန့် ၊ money -ငွေ ။ ဒါမျိုးတွေဟာ အင်္ဂလိပ်စကားမှာေ၇တွက်လို့မရတဲ့ အရာတွေဖြစ်တယ်ဆိုတာကို ကြပ်ကြပ်မှတ်ထားဖို့ လိုပါတယ်။ အသုံးများတဲ့ ရေတွက်မရတဲ့ နာမ်အချို့ကိုအောက်မှာ ဖော်ပြလိုက်ပါတယ်။


ဒုတိယပိုင်း (စင်ကာပူအတွေ့အကြုံ - ပထမ ၂ နှစ်) - အပိုင်း (၂) -ဦးအေးငြိမ်း

(၉) သင်္ဘောကျင်း အလုပ်သမားဘ၀
 စင်ကာပူမှ လူနေမှုဘ၀ကား တကယ့်ကို struggle ဖြစ်သည်။ “ဘ၀ဟူသည်တိုက်ပွဲ” ဟူသော စကားမှာ စင်ကာပူမှလူတို့အဘို့ ပိုမှန်ပါလိမ့်မည်။ ကလေးဘ၀ကတည်းက ကျောင်းကို အစောကြီးသွားကြရသည်။ အလုပ်စလုပ်ပါပြီဆိုကတည်းက ပင်စင်ယူပြီးသည်၏ ဟိုမှာဘက်အထိ အလုပ်လုပ်ကြရသည်။ အလုပ်၊ အလုပ်၊ အလုပ်နှင့် နေ့ရှိသရွေ့ အလုပ်လုပ်ကြရသည်။ တစ်ပတ်လျှင် ၅ ရက်၊ တချို့လည်း ၆ ရက် လုပ်ကြရ၏။ တစ်နှစ်လျှင်တစ်ခါ ခွင့်ရက်ရှည်ယူကာ နားကြသည်။ များသောအားဖြင့် တရုတ်များဆိုလျှင် တရုတ်နှစ်ကူးမှာ ခွင့်ရက်ရှည် ယူကြသည်။ မလေးတို့မှာ Hari Raya Puasa (ဟာရီရာယာပွာစာ) သို့မဟုတ် Hari Raya Haji မှာ ခွင့်ရက်ရှည်ယူသည်။ များသောအားဖြင့် ခွင့်ရက်ရှည်ယူကြသည်မှာ မလေးဖြစ်စေ၊ ကုလားဖြစ်စေ၊ တရုတ်ဖြစ်စေ၊ မိမိတို့လူမျိုး၏နှစ်ကူးမှာ ယူကြတာများသည်။ မြန်မာပြည်တွင် သင်္ကြန်တွင်း ရုံးရက်ရှည် ပိတ်သကဲ့သို့တည်း။