အာဆီယံနိုင်ငံတချို့တွင် မြန်မာအစိုးရဘဏ်ခွဲများ ဖွင့်မည်

အစိုးရပိုင်ဘဏ်များဖြစ်ကြသော မြန်မာ့နိုင်ငံခြားကုန်သွယ်မှုဘဏ် (Myanma Foreign Trade Bank)၊ မြန်မာ့ စီးပွားရေးဘဏ် (Myanma Economic Bank) နှင့် မြန်မာ့ရင်းနှီးမြုပ်နှံမှုနှင့်ကုန်သွယ်ရေးဘဏ် (Myanma Investment Commerce Bank) စသည့် ဘဏ်သုံးခုတို့သည် အာဆီယံနိုင်ငံတချို့တွင် ဘဏ်ခွဲများ ဖွင့်လှစ်တော့မည်ဖြစ်ကြောင်း သတင်းရရှိသည်။

အစိုးရက နိုင်ငံခြားကုန်သွယ်မှု လုပ်ငန်းများတိုးချဲ့ရန်နှင့် ပြည်ပရင်းနှီးမြုပ်နှံမှုများ တိုးတက်လာရေးအတွက် အာဆီယံနိုင်ငံတချို့တွင် ဘဏ်ခွဲဖွင့်လှစ်ရန် ပြင်ဆင်နေခြင်းဖြစ်ကြောင်း မြန်မာနိုင်ငံ ဗဟိုဘဏ်အသိုင်းအ၀န်းနှင့် နီးစပ်သူများက ပြောသည်။

“ဘဏ်ခွဲတွေဖွင့်ဖို့ ၀န်ထမ်းစိစစ်ရွေးချယ်တာတွေ လုပ်နေပြီ။ မလေးရှား၊ စင်ကာပူနဲ့ ထိုင်းမှာ ဖွင့်မယ်။ ဘဏ္ဍာနဲ့အခွန်ဝန်ကြီးဌာနက ၀န်ထမ်းတွေကိုပဲ နိုင်ငံခြားလွှတ်ပြီး ဘဏ်လုပ်ငန်းတွေ လုပ်ရမှာပါ” ဟု အမည်မဖော်လိုသော ဘဏ်အရာရှိ တဦးက ပြောသည်။

စင်ကာပူနိုင်ငံတွင် မြန်မာ့နိုင်ငံခြား ကုန်သွယ်မှုဘဏ်ခွဲ၊ မလေးရှားနိုင်ငံတွင် မြန်မာ့ ရင်းနှီးမြုပ်နှံမှုနှင့် ကုန်သွယ်ရေးဘဏ်၊ ထိုင်းနိုင်ငံတွင် မြန်မာ့စီးပွားရေးဘဏ်ခွဲများ ဖွင့်လှစ်သွားမည်ဖြစ်ကြောင်း သိရသည်။

စီးပွားရေးပိတ်ဆို့မှုများ ကြုံတွေ့နေရသော မြန်မာနိုင်ငံအနေနှင့် ဘဏ်လုပ်ငန်းဆောင်ရွက်ရာတွင် အခက်အခဲများ ရှိနေကြောင်း၊ မြန်မာကုမ္ပဏီအများစုသည် စင်ကာပူနိုင်ငံတွင် ဘဏ်စာရင်းများ ဖွင့်လှစ်ကာ ရောင်းဝယ်ခြင်း၊ ရင်းနှီးမြုပ်နှံခြင်းများ ပြုလုပ်နေရသဖြင့် အာဆီယံနိုင်ငံတချို့တွင် မြန်မာဘဏ်ခွဲများ ပေါ်ပေါက်လာခြင်းသည် မြန်မာစီးပွားရေး လုပ်ငန်းရှင်များအတွက် များစွာအဆင်ပြေလာမည် ဖြစ်ကြောင်း စီးပွားရေးအသိုင်းအ၀န်းက သုံးသပ်သည်။

“စင်ကာပူမှာ ဘဏ်စာရင်းဖွင့်နိုင်ဖို့ ပွဲစားခပေးပြီး လုပ်ကြရတယ်။ စီးပွားရေးပိတ်ဆို့မှု ရှိတဲ့အတွက် လုံခြုံစိတ်ချရတဲ့ စင်ကာပူ ဘဏ်တွေဆီကပဲ အရောင်းအ၀ယ်၊ အလွှဲအပြောင်း လုပ်ရတာ။ ဘာပဲပြောပြော အခုလို အစိုးရဘဏ်ခွဲတွေ စင်ကာပူတို့၊ မလေးရှားတို့၊ ထိုင်းတို့မှာ ဖွင့်ထားလိုက်ရင် မြန်မာစီးပွားရေး လုပ်ငန်းရှင်တွေအတွက် အများကြီး အားသာချက် ရှိလာမယ်။ မရှိတာထက်စာရင် ရှိတာက ကောင်းတယ်။ ဒါပေမယ့် နိုင်ငံတကာဘဏ်တွေနဲ့ အပြိုင်အဆိုင် လုပ်နိုင်ဖို့လိုတယ်” ဟု ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် (UMFCCI) မှ အလုပ်အမှုဆောင် တဦးက ပြောသည်။

မြန်မာနိုင်ငံတော် ဗဟိုဘဏ်နှင့်နီးစပ်သော အသိုင်းအ၀န်းများမှ ထွက်ရှိလာသော သတင်းများအရ လာမည့် အောက်တိုဘာလအတွင်း ဘဏ္ဍာရေးနှင့် ငွေကြေးဆိုင်ရာ အပြောင်းအလဲသစ်များကို အစိုးရက လုပ်ဆောင်သွားမည်ဟု သိရသည်။

Posted by အိမ်လွမ်းသူ

ဆရာကြီး ဦးသာနိုးရဲ့ ဆောင်းပါး(၃၃)

ဝါကျတစ်ခုမှာ ပါဝင်တဲ့အစိတ်အပိုင်းများ ဖြစ်ကြတဲ့ S, V, SC, IO, DO တို့ကို လေ့လာခဲ့ပြီးပြီ။ အောက်ပါဝါကျများကို လေ့လာကြည့်ပါ.......။
(A) 1. Thita became a good teacher. S+V+SC
.....2. Thita made a good teacher. S+V+SC
.....3. Thita made a blouse. S+V+DO
.....4. Thita made Putu a blouse. S+V+IO+DO
(B).....Experience made Thita a good teacher. S+V+DO+?
(C).....Experience made Thita efficient. S+V+DO+?
အုပ်စု (A) မှာ ပါဝင်တဲ့ဝါကျတွေဟာ ကျွန်တော်တို့ဆွေးနွေးပြီး ပုံစံတွေဖြစ်ပါတယ်။ ပထမ၀ါကျ သုံးကြောင်းမှာ အပိုင်းသုံးပိုင်စီပါရှိပြီး စတုတ္ထ၀ါကျမှာ လေးပိုင်းပါရှိတယ်။
(B) ၀ါကျကို ကြည့်ရင် (A) က ၀ါကျ (4) လိုပါပဲ.. အပိုင်းလေးပိုင်းပါနေတာကို တွေ့ရမယ်။ ဒါပေမယ့် (A) 1,2 တို့နဲ့ ပိုတူနေတာကို တွေ့ကြရတယ်။ အဓိပ္ပာယ်ကတော့ ( အတွေ့အကြုံက သီတာကို ဆရာမကောင်းတစ်ယောက် ဖြစ်သွားစေတယ် ) တဲ့။ တကယ်ကတော့ ဒီဝါကျတွေမှာပါတဲ့ ( a good teacher ) ဟာ Thita နဲ့ ဆက်စပ်နေတဲ့ Complement ချည်းပဲ ဖြစ်ပါတယ်။ (A) 1 နဲ့ 2 မှာ Thita က Subject ဖြစ်နေတော့ ( a good teacher ) ကို Subject Complement လို့ ခေါ်ရပါတယ်။ (B) မှာတော့ Thita ဟာ DO ဖြစ်နေလေတော့ ( a good teacher ) ကို Object Complement ခေါ်ရတာပါပဲ။
(C) ၀ါကျမှာ efficient ဟာ Object-Thita နဲ့ ဆက်စပ်နေတဲ့အတွက်ကြောင့် Object Complement ပဲ ဖြစ်တယ်။ ဒါပေမယ့် noun မဟုတ်တဲ့ Adj ဖြစ်နေကြောင်း တွေ့ရလိမ့်မယ်။ OC ဟာ N လည်းရ၊ Adj လည်းရတယ်လို့ မှတ်ရမှာပေါ့...။
OC နဲ့ တွဲသုံးလေ့ရှိတဲ့ V များကတော့ အထက်က (B) နဲ့ (C) ဥပမာများမှာပါတဲ့ ( ဖြစ်သွားစေတယ် ) လို့ အဓိပ္ပာယ်ရတဲ့ make, ( ခေါ်တယ် ) လို့ အဓိပ္ပာယ်ရတဲ့ call, ( ရွေးချယ်တယ် ) လို့ အဓိပ္ပာယ်ရတဲ့ elect, ( ထင်တယ် ) လို့ အဓိပ္ပာယ်ထွက်တဲ့ think, ( ယူဆတယ် ) လို့ အဓိပ္ပာယ်ရတဲ့ consider တို့လို့ Verb များပဲ ဖြစ်ကြတယ်။