သင့်ရဲ့ကျွမ်းကျင်မှုဟာ ဘာပဲဖြစ်နေပါစေ တွေ့ဆုံမေးမြန်းသူတိုင်းလိုလို မေးတတ်တာကတော့ မေးခွန်း ၅-ခုပါပဲ။
သင့်အကြောင်းပြောပြနိုင်မလား (Can you tell me about yourself?)
ဒီမေးခွန်ဟာ Personal Interview တွေမှာတော့ အမုန်းဆုံးနှင့် အမေးအများဆုံးမေးခွန်းဖြစ်ပါတယ်။ တွေ့ဆုံမေးမြန်းခြင်းရဲ့အစမှာ မေးလေ့မေးထရှိပြီး ဒီမေးခွန်းဟာ မေးမြန်းသူကို သင်နှင့်သင့်ရဲ့စွမ်းရည်ကို သိနိုင်မဲ့ အခွင့်အရေးကိုပေးပါတယ်။ သင်ဖြေတဲ့အခါမှတော့ သင့်ရဲ့ပင်ကိုယ်စရိုက်၊ စွမ်းရည်၊ အတွေ့အကြုံနှင့် အလုပ်ရာဇ၀င်တို့ကို အတိုချုပ်ဖြေလိုက်ပါ။ သင်ဟာ ဘာ့ကြောင့် အဲဒီအလုပ်အတွက် သင့်တော်တဲ့သူ ဖြစ်ပါတယ်ဆိုတာကို သရုပ်ဖော်သွားမယ့် အချက်များကိုသာ အဓိကထားပြီးဖြေဆိုပါ။
ဒီမှာ ဘာ့ကြောင့် အလုပ်လုပ်ချင်တာလဲ (Why do you want to work here?)
အဲဒီမေးခွန်းမျိုးကို- “ဘာကြောင့်လဲဆိုတော့ ကျွန်တော်/ကျွန်မ အလုပ်တကယ်လိုနေတဲ့အချိန်မှာ ဒီကလည်း ခေါ်လို့ပါ” ဆိုတဲ့ အဖြေမျိုးကို မဖြေမိပါစေနဲ့။ ဘယ်လောက်ပဲ မှန်နေပါစေ။ အဲဒီလိုမျိုးတော့ လုံးဝ မဖြေလိုက်ပါနဲ့။ တွေ့ဆုံမေးမြန်းမှုမတိုင်ခင် သုတေသနပြုခဲ့မယ်ဆိုရင်တော့ ဒီမေးခွန်းကို ဖြေနိုင်မှာပါ။ ကုမ္ပဏီအကြောင်း သင်သိထားသမျှကို အသုံးချလိုက်ပါ။ မေးမြန်းသူအား သင်ဟာ ကုမ္ပဏီနှင့် ၄င်း၏ အလေ့အကျင့်များ (သို့) ရလဒ်များကို ဘာ့ကြောင့် အားကျတယ်ဆိုတာကို ပြောပြပါ။ တခြားအရာတွေက မအောင်မြင်ဘူးဆိုရင် သင့်ရဲ့စွမ်းရည်တွေနဲ့ အလုပ်ရဲ့လိုအပ်ချက်တွေကို ဆက်စပ်ပြပါ။ သင်ဟာ ဘာကြောင့် သူတို့ကုမ္ပဏီအတွက်သင့်တော်တယ်ဆိုတာကို မေးမြန်းသူအား ပြောပြပါ။
ဘာ့ကြောင့် သင့်ကို အလုပ်ခန့်ရမှာလဲ (Why should we hire you?)
ဒီမေးခွန်းကတော့ သင်အမေးခံရမယ့် မေးခွန်းတွေထဲက အရေးကြီးဆုံးသော မေးခွန်းတစ်ခုပဲ ဖြစ်ပါတယ်။ ဒါကြောင့် သင့်မှာလည်း ခိုင်လုံတဲ့အဖြေတစ်ခုရှိထားဖို့ အသေအချာ စီစဉ်ထားပါ။ သင်ဟာ ဘာ့ကြောင့် ၀န်ထမ်းကောင်းတစ်ဦး ဖြစ်နိုင်တယ်ဆိုတာရယ်၊ သင်ဟာဒီအလုပ်နဲ့ဘာကြောင့်သင့်တော်တယ်ဆိုတာရယ်၊ တခြား အလုပ်လာလျှောက်သူတွေထက် သင်ဟာ ဘယ်အချက်မှာ သာတယ်ဆိုတာရယ်တွေကို အသေးစိတ်ရှင်းပြပါ။ သင့်ရဲ့ အောင်မြင်မှုတွေ ကျွမ်းကျင်မှုတွေ၊ အသုံးချနိုင်မဲ့ အတွေ့အကြုံတွေကို ထောက်ပြပါ။
နောက်ဆုံးအလုပ်က ဘာကြောင့်ထွက်ခဲ့သလဲ? (Why did you leave your last job?)
ဒီမေးခွန်းဟာ မေးခွန်းမေးခြင်းထက် စစ်ဆေးတာဆိုရင် ပိုမှန်မယ်။ မေးမြန်းသူအနေနဲ့ သင့်စိတ်ကို ဘယ်အရာက လှုပ်ရှားစေမလဲဆိုတာကို သိချင်လို့ပဲ။ တတ်နိုင်သမျှ အမှန်တရားကိုပဲဖြေပါ။ ဘာပဲလုပ်လုပ် နာကြည်းပုံ၊ စိတ်ဆိုးတဲ့ပုံ၊ စိတ်ကြီးတဲ့ပုံမပေါက်ပါစေနဲ့။ အရင်ကုမ္ပဏီ၊အလုပ်ရှင် နဲ့ လုပ်ဖော် ကိုင်ဖက်များ အကြောင်းမကောင်း မပြောမိပါစေနဲ့။
နောက် ၅ နှစ်ကြာရင် သင့်ကိုယ်သင် ဘယ်မှာမြင်လဲ? (Where do you see yourself in 5 years?)
ဘာကြောင့်များ တွေ့ဆုံမေးမြန်းသူတွေက ဒီမေးခွန်းကို ဆက်ပြီးမေးနေကြပါလိမ့်။ ဘာကြောင့်လဲဆိုတော့ ဒီမေးခွန်းဟာ ဒီအလုပ်နဲ့ပတ်သက်တဲ့ သင့်ရဲ့စိတ်ဝင်တစား ကြိုးပမ်းအားထုပ်မှု အတိုင်းအတာနဲ့ သင်ထားရှိတဲ့ အလုပ်ရည်မှန်းချက်ကို ထိုးဖေါက်မြင်ရလို့ပါပဲ။ ဒါကြောင့် “ဗဟားမားကျွန်းစု (Bahamas) မှာ ရွက်လှေစီးနေချင်ပါတယ်” လို့ ဖြေမဲ့အစား သင့်ရဲ့အလုပ်နဲ့သော်လည်းကောင်း သင့်ရဲ့ကြိုးစားအားထုတ်မှုနဲ့ သော်လည်းကောင်း ဆက်နွှယ်နေတဲ့ ရည်မှန်းချက်တွေအကြောင်းကို ပြောပြပါ။
Posted by ဝတီ
