မှတ်မိသမျှ ကိုအောင်ဆန်း၏ ကျောင်းသားဘ၀

ဗိုလ်ချုပ်အောင်ဆန်း(၀ါ)သခင်အောင်ဆန်း(၀ါ)ကိုအောင်ဆန်းနှင့်ကျောင်းနေဘက်နိုင်ငံရေးလုပ်ဖော်ကိုင်ဘက်တစ်ဦးဖြစ်ခဲ့၍ကျောင်း၌နေစဉ်ကမှတ်မိသမျှကိုမှတ်တမ်းတင်လိုက်ပါသည်။

ကိုအောင်ဆန်းသည်ကျွန်တော်တို့ထက်၂နှစ်စော၍တက္ကသိုလ်သို့ရောက်ရှိနေပါသည်။ကိုအောင်ဆန်းကိုကျွန်တော်တို့အတန်းဆင်းချိန်နှင့်သူ့အတန်းတက်ရန်သုတ်သီးသုတ်ပျာလာချိန်တို့တွင်“အင်းဝ” ဆောင်ရှေ့တွင်မကြာခဏဆုံစည်းမိတတ်ကြပါသည်။နောက်ကိုအောင်ဆန်းနှင့်ကျွန်တော်တို့ခင်မင်ရင်းနှီးလာခဲ့ကြပါသည်။

ကိုအောင်ဆန်း၏ကျောင်းသားဘ၀၀တ်ပုံဆင်ပုံမှာကျွန်တော်တို့အဖို့အထူးအဆန်းမဟုတ်သော်လည်းအများအဖို့အတော်ကြီးထူးဆန်းနေသလိုဖြစ်ခဲ့ပါသည်။ရှပ်အင်္ကျီကိုကြယ်သီးအပြည့်မတပ်ဘဲပင်နီအပေါ်အင်္ကျီကိုကပိုကရိုဝတ်၍မန္တလေးလုံချည်အနွမ်းကိုပင်ဆင်မြန်းကာဆံပင်စုတ်ဖွားနှင့်သင်ကြားပို့ချချက်များလိုက်ရန် မှတ်စုစာအုပ် လက်တွင်ကိုင်ပြီး စိုက်စိုက် စိုက်စိုက်သွားတတ်သည်ကိုယခုတိုင်ပင်မှတ်မိလျက်ရှိပါသည်။

ကျွန်တော်တို့အသိမိတ်ဆွေသူငယ်ချင်းများနှင့်တွေ့လျှင်ကိုအောင်ဆန်းသည်ပြုံး၍သာနှုတ်ဆက်ပြီးရှေ့ဆက်စိုက်စိုက်စိုက်စိုက်သွားလေ့ရှိပါသည်။တစ်ခုခုကိုအစဉ်အာရုံစိုက်ပြီးနေသောအသွင်မှာအမြဲထင်ရှား၍နေပါသည်။

ကိုအောင်ဆန်းသည်ကျောင်းတွင်သူငယ်ချင်းများနှင့်“ဟေးလားဝါးလား”စကားဖွဲ့လေ့မရှိပါ။သင်ကြားပို့ချသမျှကိုအမြဲအာရုံစိုက်ပြီးနားထောင်မှတ်သားလေ့ရှိပါသည်။ထို့ကြောင့်လည်းကိုအောင်ဆန်းစာမေးပွဲတိုင်းကောင်းစွာ အောင်မြင်သည်ချည်းဖြစ်ပါသည်။

ကိုအောင်ဆန်းနှင့်ခင်မင်ရင်းနှီးလာပြီးသူ၏အခန်းသို့သွားရောက်လည်ပတ်သောအခါသူ၏အခန်းမှာမသေသပ်ဆုံးအခန်းတစ်ခုအမြဲဖြစ်နေသည်ကို ကောင်းစွာသတိပြုမိသည်။

တခါတရံကိုအောင်ဆန်းသည်ညလုံးပေါက်စာဖတ်လေ့ရှိပါသည်။စာသင်ခန်းတွင်နှုတ်ဆိတ်သလောက်သူ၏အခန်းရောက်၍စကားစမိလျှင်ကိုအောင်ဆန်းသည်အာပေါင်အာရင်းသန်သန်နှင့်စိတ်ပါလက်ပါပြောလေ့ရှိပါသည်။မည်သည်ကိုလေ့လာလေ့လာနှိုက်နှိုက်ချွတ်ချွတ်အပင်ပန်းခံပြီးလေ့လာတတ်ပါသည်။ထို့ကြောင့်ကိုအောင်ဆန်းစကားပြောလျှင်ပိုင်ပိုင်နိုင်နိုင်ပြောလည်းပြောနိုင်ပါသည်။သူ၏ပြောဟန်ထဲမှ“ဒီမယ်..ဒီမယ်”ဟု ပြောပုံများ“ကိုယ့်လူ..ကိုယ့်လူ”ဟု ပြောပုံများမှာနားထဲတွင်စွဲ၍ယနေ့တိုင်ရှိနေပါသေးသည်။

တညနေတွင်သထုံဆောင်၍နေသောကိုကျော်ငြိမ်း(ယခုဒုဝန်ကြီးချုပ်)၊ကိုအောင်ဆန်းနှင့်ကျွန်တော်တို့သုံးဦးသားတက္ကသိုလ်ရိပ်သာလမ်းနှင့်အင်းလျားလမ်းထောင့်(ယခုကုလားလဘက်ရည်ဆိုင်နား)တွင်ရောင်းနေသောအကြော်ဆိုင်၌တ၀စားကြပြီးအင်းလျားကန်ဘက်ကိုလျှောက်ကြပါသည်။ဘင်္ဂါလီလူငယ်များ၏ခြောက်လှန့်သတ်ဖြတ်ရေးဝါဒ(Terrorism)ကိုသူရွံရှာမုန်းတီးပုံအားရပါးရပြောပြီးလျှင်သူသည်တဦးချင်းလူစွမ်းကောင်းဝါဒကိုမုန်းတီးကြောင်း၊စုပေါင်းစည်းရုံးလုပ်ကိုင်ခြင်း(organize edaction)ကိုသာယုံကြည်ကြောင်းတနာရီကျော်ကျော်ခန့် ပြောနိုင်ခဲ့ပါသည်။

ကိုအောင်ဆန်းစာဖတ်ပုံမှာအတော်ကြီးစနစ်ကျလှပါသည်။ပထမစာအုပ်၏မာတိကာကိုကောင်းစွာမှတ်သားပါသည်။နောက်တခန်းစီဖတ်လျက်ဖတ်ပြီးသားအခန်းများ၏အချုပ်သဘောကိုမှတ်စုစာအုပ်ဖြစ်စေ၊စာရွက်လွတ်၌ဖြစ်စေမာတိကာခေါင်းစဉ်ချ၍အတိုချုပ်(summary)မိမိဘာသာမိမိရေးသားလေ့ရှိပါသည်။ကိုအောင်ဆန်းသည်ကျောင်းစာနှင့်အပြင်စာနှစ်ခုလုံးကိုကျေလည်အောင်ဖတ်နိုင်သောသတ္တိရှိသူဖြစ်လေသည်။

ထိုခေတ်အခါကပေါ်ပေါက်နေသောပြဿနာများ၊အခြေအနေများကိုမကြာခဏဆိုသလိုကိုအောင်ဆန်းနှင့်ဆွေးနွေးကြပါသည်။ကိုအောင်ဆန်းသည်အဖြီးအဖြန်းမပါဘဲလိုရင်းချက်များကိုပြတ်ပြတ်သားသားတစ်တစ်ခွခွဖော်ထုတ်လေ့ရှိပါသည်။စာရေးရာတွင်လည်းအင်္ဂလိပ်ဘာသာနှင့်ဖြစ်စေ၊မြန်မာဘာသာနှင့်ဖြစ်စေ၊ထိထိမိမိထင်ရှားပေါ်လွင်အောင်ရေးသားနိုင်ပါသည်။နှစ်ဘာသာစလုံးကိုကောင်းကောင်းကြီးကျွမ်းကျွမ်းကျင်ကျင်ရေးနိုင်သူများနည်းပါးသော်လည်းကိုအောင်ဆန်းမှာထိုသို့ရေးနိုင်သူတဦး ဖြစ်ပါသည်။

ကိုအောင်ဆန်းဥပဒေတန်းပထမနှစ်သင်ကြားနေခိုက်ထိုစဉ်ကကွယ်လွန်သူဒေါက်တာသိန်းမောင်ဦးစီးသောမြန်မာပိုင်အင်္ဂလိပ်သတင်းစာ“နယူးဘားမား”တွင်အချိန်ပိုင်းအယ်ဒီတာအဖြစ်ဝင်ရောက်လုပ်ကိုင်ခဲ့ပါသည်။ကျွန်တော်လည်းထိုသတင်းစာတွင်ပင်အချိန်ပိုင်းသတင်းအယ်ဒီတာအဖြစ်လုပ်လျက်ရှိပါသည်။ကျွန်တော်တို့၂ဦးစလုံးသည်ညနေ၃နာရီခွဲကျော်မှသတင်းစာတိုက်သို့ရောက်ကြပါသည်။သတင်းစာတိုက်ရောက်လျှင်ကိုအောင်ဆန်းသည်နောက်တနေ့အတွက်သတင်းခေါင်းကြီးကိုကြိုတင်စဉ်းစားလာခဲ့သည့်အတိုင်းထိုင်ရာမထဆိုသလို တထိုင်တည်းအပြီးရေးလေ့ရှိပါသည်။ကိုအောင်ဆန်းရေးခဲ့သောသတင်းစာခေါင်းကြီးပိုင်းများမှာနယ်ချဲ့ဆန့်ကျင်ရေးများသာဖြစ်ကြပါသည်။အင်္ဂလိပ်စာကိုရေးရာ၌နိုင်နင်းသည်နှင့်အမျှခက်ခဲလှသောပြဿနာတို့ကိုရှင်းလင်းပီသစွာ ဖော်ထုတ်နိုင်ခဲ့သဖြင့်နယ်ချဲ့အစိုးရနှင့်နိုင်ငံရေးရပ်ကွက်တို့တွင်ကိုအောင်ဆန်း၏“ခေါင်းကြီးပိုင်း”များကို လေးလေးစားစားရှိခဲ့ကြရလေသည်။

မြန်မာဆောင်းပါးများကိုမူ“မဟာဒဂုန်”မဂ္ဂဇင်းကြီး၌ရေးလေ့ရှိခဲ့ပါသည်။မြန်မာဆောင်းပါးများရေးသောအခါတွင်လည်းကိုအောင်ဆန်းသည်မြန်မာသံပီပီသသနှင့်သာရေးလေ့ရှိခဲ့ပါသည်။ဟောပြောရာ၌မူကိုအောင်ဆန်းသည်“ဒေါ”များများပါပြီးပြောချင်ဇောကြီးနေသည်ကိုမကြာခဏကြုံရတတ်ပါသည်။

အိုးဝေမဂ္ဂဇင်းစာတည်းအဖြစ်ကိုအောင်ဆန်းဆောင်ရွက်နေစဉ်က“ငရဲခွေးကြီးလွတ်လာလေပြီ”ဟူသောအင်္ဂလိပ်စာကဏ္ဍပါဆောင်းပါးမှာတက္ကသိုလ်နယ်မြေသာမကတနိုင်ငံလုံးသိမ့်သိမ့်တုန်သွားခဲ့ပါသည်။ထိုဆောင်းပါးတွင်ဖွင့်ချလိုက်သောအချက်များကိုအကြောင်းပြု၍ကျောင်းသားအရေးတော်ပုံပေါ်ခဲ့ရလေသည်။ဗမာ့နိုင်ငံရေးဖြစ်စဉ်တွင်မှတ်တိုင်ကြီးတခုဟုဆိုနိုင်ပါသည်။သမဂ္ဂကိစ္စများကိုဆောင်ရွက်ရာတွင်လည်းကိုအောင်ဆန်းသည်အပင်ပန်းခံကာအစားအသောက်အအိပ်အနေကိုပမာမပြုဘဲလုပ်လေ့ရှိပါသည်။အလုပ်လုပ်ရမှာကိုဘယ်သောအခါမျှကြောက်ရွံ့ခြင်းမရှိသူများတွင်ကိုအောင်ဆန်းသည်ထိပ်ဆုံးကအမြဲရှိပါသည်။ဇွဲလည်းအလွန်ပြင်းထန်ပါသည်။ဘာလုပ်လုပ်စိတ်ရောကိုယ်ပါလုပ်တတ်၍လည်းသူလုပ်သမျှမှာခရီးရောက်လေ့ရှိပါသည်။

ကျောင်းသားဘ၀၌ဟန်ရေးပြခြင်းကိုစက်ဆုတ်ပြီးထိထိမိမိလေ့လာမှတ်သားကာဇွဲရှိရှိနှင့်လုပ်သားကိုင်သားကျသောကိုအောင်ဆန်းသည်သခင်အောင်ဆန်းအနေနှင့်လည်းကောင်း၊ဗိုလ်ချုပ်အောင်ဆန်းအနေနှင့်လည်းကောင်းနိုင်ငံ့တာဝန်ကိုမမောနိုင်မပမ်းနိုင်ဆက်လက်ထမ်းဆောင်ပြီးနိုင်ငံလွတ်လပ်ရေးမုခ်ဦးသို့အရောက်ပို့ဆောင်နိုင်ခဲ့ခြင်းမှာကျောင်းသားကျောင်းသူတိုင်းအားကျနည်းယူဘွယ်ပင် ဖြစ်တော့သည်။

ကျောင်းသားကျောင်းသူတိုင်း ကိုအောင်ဆန်းနည်းတူ နိုင်ငံအတွက် ကြိုးပမ်းအားထုတ်နိုင်ကြပါစေ။

သခင်ကျော်စိန်

ရန်ကုန်တက္ကသိုလ်နှစ်လည်စာစောင်၊ အတွဲ ၄၊ အမှတ် ၂၊ ၁၉၆၀ - ၆၁

Posted By ၀တီ