မြန်မာစာ ပါမောက္ခဦးဧမောင် ရဲ့ ဘာသာပြန်နည်း အယူအဆ

 ဘာသာပြန်စာပေအသင်းမှာ ယခုလို လာရောက်ဟောပြောခွင့် ရတဲ့အတွက် များစွာဝမ်း မြောက်ပါတယ်။ ကျွန်တော် ကိုယ်တိုင် ဘာသာပြန်ကိစ္စမှာ ၀ါသနာ ပါခဲ့ပါတယ်။ ဘာသာပြန် ကိစ္စဟာ နိုင်ငံတစ်နိုင်ငံရဲ့
ကြီးပွားရေး အတွက် များစွာအရေးကြီးပါတယ်။ မြန်မာစာပေကြီးပွား တိုးတက်စေရန် ကမ္ဘာ့စာပေ ကမ္ဘာ့စိတ်ကူးစိတ်သန်း များကို မြန်မာ ဖြစ်နိုင်သရွေ့ဖြစ်အောင် ဖန်တီးပြုစုပေးဖို့ လိုပါတယ်။

ဘာသာစကားတစ်ခုမှ ဘာသာစကားတစ်ခုသို့ ကူးပြောင်းပြန်ဆိုမှုနှင့် စပ်လျဉ်းပြီး တွေးရှုလိုက်မယ်ဆိုရင် (tion) ရှင်းသုံးရှင်း ရှိကြောင်း သိထားစေလိုပါတယ်။

အဲဒီရှင်းသုံး ရှင်းကတော့

(၁) Translation ဘာသာပြန်ခြင်း။

(၂) Adoption လူမျိုးခြား စိတ်ကူးနှင့် စကားများကို တိုက်ရိုက် မွေးစားယူခြင်း။ ပုံစံပြရ မယ်ဆိုရင် (Democracy) ကို ဒီမိုကရေစီဝါဒ၊ (Socialism) ကို ဆိုရှယ်လစ်ဝါဒ၊ (Communism) ကို ကွန်မြူနစ်ဝါဒ စသည်ဖြင့် မြန်မာဘာသာထဲမှ တိုက်ရိုက် မွေးစား ယူထားတာတွေကို တွေ့နိုင်ပါတယ်။

(၃) Adaptation ဆီလျော်အောင် ပြန်ဆိုရေးသားခြင်း။ ပုံစံပြရမယ်ဆိုရင် ရွှေဥဒေါင်း ရေး `ရူပနန္ဒီ´ (She) နှင့် စုံထောက် မောင်စံရှား ( Sherlock Holmes) တို့ဖြစ်ပါတယ်။

ယနေ့ ဟောပြောရမှာကတော့ ( Translation) ဘာသာပြန် အကြောင်းပါပဲ။ ဘာသာပြန်သူများအတွက် ရှိနှင့်ပြီးဖြစ်တဲ့ (John's O' London) `လန်ဒန်က ဂျွန်´ ခေါ် အင်္ဂလိပ် မဂ္ဂဇင်း ထဲမှာ ဖော်ပြထားတဲ့ (Ten Commandments ) ပညတ်ချက် ဆယ်ပါးဟာ အလွန်ကောင်းပါတယ်။ သို့ပေမဲ့ ဒါတွေကို အကျယ် မချဲ့လိုတော့ပါ။ ကျွန်တော်လက်တွေ့ ဆည်းပူး ရရှိခဲ့တဲ့ အချက် များကိုသာ ဖောက်သည်ပေးလိုပါတယ်။

ဘာသာပြန်မှုနဲ့ပက်သက်ပြီး အကျဉ်းချုပ်ပြောရရင် ဘာသာပြန်သူများဟာ အောက်ပါအချက်သုံးချက်နဲ့ ပြည့်စုံသင့်တယ်လို့ ထင်မြင်မိ ပါတယ်။

(၁) ပြန်ဆိုမည့် ဘာသာခြား စကားကို ကျွမ်းကျင်ရပေမယ်။

(၂) ပြန်ဆိုမည့် ပညာရပ်အကြောင်းကို အတော်အတန် ခေါက်မိရပေမယ်။

(၃) မိမိပြန်ဆိုရေးသားမည့် ဘာသာရင်း (စကား) ကို အထူးတက်ကျွမ်းရပေမယ်။

ဒီသုံးချက်ကို အနည်းငယ်ထပ်ပြီး ရှင်းလင်းပြလိုပါသေးတယ်။

ပထမအချက်ဖြစ်တဲ့ ဘာသာခြားစကားကို ကျွမ်းကျင်ရမယ်ဆိုတာကိုတော့ ထင်ရှား သိသာပါတယ်။ ဘာပြုလို့လဲဆိုတော့ ဘာသာခြားစကားကို ကိုယ်တိုင် တက်ကျွမ်းမှသာ ဘာသာပြန်နိုင်ပေမယ်။ မတက်ကျွမ်းပါက ပြန်ဆိုနိုင်မည် မဟုတ်ပါ။ ရှေးဦးစွာ ကိုယ်တိုင်က နားလည်ပြီး သဘောပေါက်ဖို့ အရေးကြီးပါတယ်။ မိမိကိုယ်တိုင်က ဘာသာခြားစကားကို မတတ်မသိရင် တခြားလူကို ဘယ်နည်းနဲ့မှ ကျကျနန ပြန်ပြောနိုင်မယ် မဟုတ်ပါ။ ဘာသာခြား စကားကို မဆိုထားနဲ့ ကိုယ့်ဘာသာစကားကိုပင် ကိုယ်တိုင်နားမလည် မတတ်ကျွမ်းရင် သူများကို ရှင်းရှင်းလင်းလင်း တိတိကျကျ ပြန်ပြောဖို့ ခက်လှပါတယ်။

ဒါကြောင့် စာအုပ်တစ် အုပ်ကို ဘာသာပြန်တော့မယ်ဆိုရင် ပထမဦးစွာ ကိုယ်တိုင်နားလည်သဘောပေါက်အောင် အစအဆုံး ဖတ်ကြည့်ပါ။ နောက်တစ်ပုဒ်စီ တစ်ကြောင်းစီ ဆန်းစစ် ကြည့်ပါ။ အဲဒီတော့မှ သူများ နားလည်အောင် ပြန်ပြောနိုင်ရေးနိုင်ဖို့ လမ်းရှိပါလိမ့်မယ်။ ဒါကတော့ ကျွန်တော့ ကိုယ်တွေ့ ပါပဲ။ ကျွန်တော် ဗြိတိသျှရာဇ၀င်ကို ဘာသာ ပြန်တုန်းက ပထမဦးစွာ ကိုယ်တိုင် နားလည်အောင် ဖတ်ပြီး ဘာသာပြန်တာပါပဲ။

ဒုတိယ အချက်ကတော့ ပြန်ဆိုမည့် ပညာရပ်ကို အတော်အတန်ခေါက်မိဖို့ လိုပါတယ်။ မိမိသင်ယူဖူးတဲ့ ပညာရပ်ကို ပြန်ဆိုတာက ပိုမိုအောင်မြင်ဖို့ လမ်းများပါတယ်။ နောက်ပြီး မိမိပြန်ဆိုမည့် စာအုပ်ပါ အကြောင်းအရာတွေကိုလည်း ဖတ်ပေးရပါသေးတယ်။ အဘိဓာန်ကို လှန်လှောရှာဖွေ ကြည့်ရှုရုံနဲ့ မလုံလောက်ပါ။ တခါတရံ အင်္ဂလိပ်ဘာသာ အတွေးအခေါ်အယူ အဆများကို မိမိက မှန်တယ်ထင်ပေမဲ့ မှားနေတတ်ပါတယ်။ ပုံစံပြရမယ်ဆိုရင် `ဒိုမေ သတင်း ဖြန့်ချိရေးဌာန´က အင်္ဂလိပ်ဘာသာနဲ့ပေးတဲ့ သတင်းကို ဂျပန်ခေတ် မြန်မာသတင်းစာ တစ်စောင်ထဲမှာ ဘယ်လို တွေ့ရသလဲဆိုတော့-

`ဂျပန်လေတပ်ငယ် တတပ်သည် ဗြိတိသျှ ရေတပ်ငယ်တတပ်ကို ရခိုင်ပင် လယ်ကန်းရိုးတန်းအနီးတွင် တွေ့မြင်၍ တိုက်ခိုက်ရာ ဗြိတိသျှရေတပ်ငယ်သည် လျှို့ဝှက်သော (ဒေဗီဂျုန်း) သင်္ဘောဆိပ်သို့ ထွက်ပြေးလေ၏´ လို့ တွေ့ရပါတယ်။ ကျွန်တော်လည်း အဲဒီ (ဒေဗီဂျုန်း) ဆိုတဲ့ သင်္ဘောဆိပ်ကို ဘယ်မှာမှ မကြားဘူးတာနဲ့ သတင်းစာဖတ်ရင်း ဘာသာပြန်ပုံဟာ ဟုတ်မှ ဟုတ်ရဲ့လားလို့ သံသယမကင်း ဖြစ်မိပါတယ်။ ဒါနဲ့ အင်္ဂလိပ်ဘာသာ နဲ့ရေးထားတဲ့ သတင်းစာကို လှန်လှော့ ကြည့်လိုက်တော့-

(A small British fleet was sighted off the coast of Arakan by a Japanese air squadron and the fleet was sent to Davy Jone's locker) လို့ ရေးထားတာကို တွေ့ရပါ တယ်။ ဒီနေရာမှာ ဘာသာပြန်သူဟာ လိုအပ်တဲ့ ဗဟုသုတကို မရှာမှီးတဲ့အတွက် (Davy Jone's loker) ကို လျှို့ဝှက်တဲ့ ဒေဗီဂျုန်းသင်္ဘောဆိပ်ရယ်လို့ တလွဲပြန်ဆိုရေးသားထားခြင်းပင် ဖြစ်ပါတယ်။ စင်စစ် ကြည့်သင့်ကြည့်ထိုက်တဲ့ စာအုပ်စာတမ်းများကို ရှာဖွေကြည့်ရှုလို့ ရှိတာဖြင့်ရင် သို့တည်းမဟုတ် မေးသင့် မေးထိုက်သူများကို မေးမြန်းလို့ရှိတာဖြစ်ရင် (Davy Jones's Locker) ဟာ လျှို့ဝှက်တဲ့ သင်္ဘောဆိပ်ဆိုတာ မဟုတ်ဘဲ ရေသုသာန်၊ ရေသင်္ချိုင်းဆိုတာကို မုချသိပြီး ` ဂျပန်လေတပ်ငယ် တစ်တပ်သည် ဗြိတိသျှ  ရေတပ်ငယ်တစ်တပ်ကို ရခိုင် ကန်းရိုးတန်း ပြင်ဘက်တွင် တွေ့မြင်၍ တိုက်ခိုက်နှစ်မြှုပ်လိုက်လေသည်´ လို့ မူလဆိုတဲ့ သဘောမှန်အတိုင်း ဘာသာပြန် နိုင်စရာလမ်းရှိပေလိမ့်မယ်။

ဒါ့ကြောင့် အခက်အခဲတွေ့တိုင်း သက်ဆိုင်ရာ စာအုပ်စာတမ်းများမှာ ရှာဖွေကြည့်ရှုသင့်ပါတယ်။ သို့မဟုတ်ရင်လဲ ကျွမ်းကျင်သူများထံမှာ ဆည်းကပ်မေးမြန်း ယူသင့်ပါတယ်။ ကျွန်တော့်အထင်ပြောရရင် စာဆိုတာဟာ တစာစာ နေမှပဲ တော်ရုံကျပါတယ်။ ပညာဟာ ရပ်နေတယ်လို့မရှိပါ။ တိုးဆုတ်နှစ်ခုသာ ရှိပါတယ်။ ဥဒါဟရုဏ်အားဖြင့် ပညာလိုက်စားတာ ဟာ လေယာဉ်ပျံလိုပါပဲ။ လေယာဉ်ပျံဟာ စက်လည်လေ ရှေ့ကို တဟုတ်ထိုး တိုးနေလေပါပဲ။ စက်ရပ်တာနဲ့ တပြိုင်နက် ကျတာနဲ့ တစ်ချက်ထဲပါပဲ။ စာလည်း ထိုနည်းတူပါပဲ။ ဇွဲကောင်းကောင်းနဲ့ မဆုတ်မနစ် ကြိုးစားအားထုတ်လေ တိုးတက်လေပါပဲ။ အားထုတ်မှုရပ်စဲတာနဲ့ တပြိုင်နက် ဆုတ်ယုတ်တာနဲ့ တစ်ချက်ထဲပါပဲ။

တတိယအချက်ဖြစ်တဲ့ ကိုယ့်ဘာသာစကားကို ကျွမ်းကျင်ရမယ်ဆိုတာကတော့ အရေးကြီးဆုံးပါပဲ။ ကိုယ့်ဘာသာစကား နဲ့ပြန်ဆိုရေးသားရာမှာမို့ ကိုယ့်ဘာသာစကားကို ကောင်းကောင်းကြီး ကျွမ်းကျင် ရပေမယ်။ ကိုယ်နားလည်သလို သူများနားလည် အောင် ပြောရန်မှာ မလွယ်ကူလှပါ။ အချို့မှာ ကိုယ်တိုင်နားလည်သော်လည်း တစ်ခြားသူများ နားလည် အောင် ပြန်မပြောတက် ကြပါ။

ဥဒါဟရုဏ်ကတော့ ဘုရားနဲ့ ပစ္စေကဗုဒ္ဓါကဲ့သို့ပင် ဖြစ်ပါတယ်။ ဘုရားရှင်ဟာ ကိုယ်တော်တိုင် သစ္စာလေးပါးကို သိနားလည်သလို သူများကိုလည်း ဟောပြောပြသနိုင်ပါတယ်။ ပစ္စေကဗုဒ္ဓါကတော့ သစ္စာလေးပါးကို ကိုယ်တော် တိုင် သိနားလည်ပေမဲ့ အခြားသူများကို သဘောပေါက် သိနားလည်ပြီး ကျွတ်တန်းဝင်အောင် တဆင့်ပြန် လည် ဟောပြောနိုင်စွမ်းမရှိပါ။

ဘာသာပြန်သူများဟာ သူများနားလည်အောင် ပြန်ဆိုရေးသားနိုင်ကြရန်အတွက် မြန်မာဘာသာမှာ အတော်ပင်နိုင်နင်း ကျွမ်းကျင်ကြရပေမယ်။ စကားပရိယာယ် (command of language) အတော် ကြွယ်ဝရပေမယ်။ ဒီကိစ္စဟာ သိပ်ပြီး မလွယ်ကူလှပါ။ လူများဟာ စကားပြောတက်တဲ့ အချိန်ကစပြီး စကားမပြောနိုင်တဲ့အချိန်အထိ မရေမတွက် နိုင်လောက်အောင် အကြိမ်ပေါင်း များစွာ ခဏခဏ စကားပြောဆို နေကြပေမဲ့ ရှေ့နောက်အဆင်သင့်ပြီး လိပ်ပတ်လည်အောင် ပြောတက်သူ ရှားလှပါတယ်။

စကား ပြောတက်သူ ရှားတာထက်ပင် စာကို အဟုတ်တကယ်တမ်း ရေးတက်သူ ပိုမို ရှားပါတယ်။ `နှုတ်တစ်ရာ စာတစ်လုံး´ ဆိုတဲ့ အတိုင်း နှုတ်နဲ့ပြောရုံနဲ့ မပြီးသေးပါ။ ကောင်းမွန်တဲ့ စာပေအဖြစ် တာရှည် တည်တံ့အောင် အက္ခရာ ကမ္ဗည်းတင်နိုင် ရေးနိုင်မှ တော်လှပြီလို့ ဆိုရပေမယ်။ ရေးနိုင်အောင် တကယ်တမ်း ကြိုးစားမယ်ဆိုရင် ''Where there is a will, there is a way'' ဆိုတဲ့ အင်္ဂလိပ်စကားပုံလို `ဆန္ဒရှိက နည်းလမ်းရ´ ဆိုတာမျိုးဖြစ်မှာ အမှန်မုချပါပဲ။

တနည်းအားဖြင့် စဉ်းစားလိုက်ပြန်တော့လဲ ဘာသာပြန်သူများဟာ အလွန်သနားစရာ ကောင်းပါတယ်။ သူတို့ဟာ မောင်း ကြေးနင်းခတ်သူများနဲ့ တူကြပါတယ်။ လူထုပရိတ်သတ်ဟာ တရားဟောမဲ့ သူကိုသာ အာရုံပြုပြီး မောင်းသမားများကိုတော့ အာရုံမပြုကြ အမှတ်မထားကြပါဘူး။ ဘာသာပြန်သူဟာလည်း ဘာသာပြန်တဲ့အတွက် တယ်ပြီး ထင်ရှားလှတယ် မရှိပါဘူး။ မူလရေးသူသာ ကျော်ကြားလေ့ ရှိပါတယ်။ နောက်ပြီးတော့လည်း ဘာသာပြန်သူမှာ အချုပ်အချယ် များစွာရှိပါတယ်။ သူ့မှာ မူလ စာကိုယ်ကို ပြင်နိုင်ခွင့်မရှိပါ။ သူ့စိတ်ကူးကိုလည်း မထည့်သွင်းနိုင်ပါ။ ဘာသာပြန် မတိကျရင်တော့ သူနာမည် ပျက်ပါတယ်။ မှန်ကန်တိကျတဲ့ အခါကျတော့ သိပ်မထူးခြားလှပါဘူး။

ဘာသာပြန်ဆိုရာမှာ ဗမာ့အသုံးနဲ့ ဘာသာခြား အသုံးမတူတဲ့အတွက် စကားများကို ထွင်ယူရပါတယ်။ ကျွန်တော် ဗြိတိသျှရာဇ၀င်ကို ဘာသာပြန်တုန်းက (Century)ဆိုတဲ့ အင်္ဂလိပ်စကားမှာ တစ်နေလို့ လေး ငါးရက်လောက်ကြာသွားပါတယ်။ နောက်ကြံဆဖန်များတော့ `ရာစု´ ဆိုတဲ့ စကားကိုရလာပါတယ်။ သို့ပေမဲ့ ဒီလိုအခက်အခဲတွေ့တိုင်းသာ ကာလရက်ရှည် ကြာမြင့်နေမယ်ဆိုရင် ဘာသာပြန်လုပ်ငန်းမှာ အများကြီး နှောင့်နှေးလေတော့မှာပဲလို့ စိုးရိမ်မကင်းဖြစ်လာပါတယ်။

ဒါနဲ့ ဘာသာပြန်တဲ့အခါ ရုတ်တရက်ကြံဆမရတဲ့စကားရပ်အခက်အခဲကို အသားလေးထားပြီး ရှေ့ဆက်ကာ တောက်လျှောက် ပြန်ဆို သွားရပါတယ်။ အဲဒီတော့မှ ခရီးတွင်တော့တာကို တွေ့ရပါတယ်။ ခက်ခဲတဲ့စကားရပ်ကိုတော့ နေရင်းထိုင်ရင်း သွားရင်း လာရင်း စားရင်း သောက်ရင်းဆိုသလို တွေးတောကြံဆယူရပါတယ်။ အထက်ကပြောခဲ့သလိုပဲ ကြံဆဖန် များတော့ ကိုယ့်စိတ်တိုင်းကျ စကားကို ရလာတာပါပဲ။ ပုံစံပြရမယ်ဆိုရင် ဗြိတိသျှရာဇ၀င်ထဲမှာပါတဲ့ To launch an offensive နဲ့ To wage a defensive campaign ဆိုနဲ့ အင်္ဂလိပ်စကားရပ် အသီးသီးကို `တိုက်စစ်ပြုသည်´ `ခံစစ်ပြုသည်´ ရယ်လို့ ဖတ်ဖူး မှတ်ဖူးတဲ့ စာပေတွေကို မှီးပြီး အထက်ကပြောခဲ့တဲ့ နည်းအတိုင်း တစ်ဖြည်းဖြည်း တွေးတော့ကြံဆ ယူထားခြင်းပင် ဖြစ်ပါတယ်။

မိမိ ဘာသာမှာ ကျွမ်းကျင်ဖို့ အတွက်ကတော့ မြန်မာစာများများ ဖတ်ပေးရပါလိမ့်မယ်။ ဘာသာပြန်တဲ့အခါ မြန်မာဝါကျ ဖွဲ့ပုံစစ်စစ် ဖြစ်စေရပါမယ်။ တစ်ခါတစ်ရံ မြန်မာလူမျိုး ပြန်ဆိုရေးသားထားတဲ့ မြန်မာစာကို မြန်မာဖတ်လို့ နားမလည်တာတွေ တွေ့ရှိရပါသေးတယ်။ ကျွန်တော်တို့ ငယ်ငယ်က ဥပဒေ ဘာသာပြန်များကို ဖတ်ပြီး နားမလည်ဘူး ဆိုသလိုပါပဲ။ အကောင်းဆုံးကတော့ ဘာသာပြန်ထားတဲ့ စာကို အင်္ဂလိပ်စာ တစ်လုံးမှ မတက်သူ တစ်ယောက်ကို အဖတ်ခိုင်း၊ နောက် သူပြန်ပြောတဲ့ အဓိပ္ပာယ် ကို အင်္ဂလိပ်လို ပြန်ကြည့် အင်္ဂလိပ်လို လုံးဝမတက်သူ နားလည်တာနဲ့ အင်္ဂလိပ်လိုတက်သူ နားလည်တာချင်းတူရင် ဘာသာပြန် ကောင်းဘဲလို့ မှတ်ယူရန် ဖြစ်ပါတယ်။

ဘာသာပြန်တဲ့အခါ (idioms) ဓလေ့သုံးစကားများကို ကောင်းစွာသိရှိနားလည်ဖို့လိုပါတယ်။ (Burmese idioms ) ဗမာ့ဓလေ့သုံး စကားနဲ့ (English idioms ) အင်္ဂလိပ်ဓလေ့သုံးစကားဟာ တစ်ခုနဲ့တစ်ခု မတူကြပါ။ `ကျွန်တော် စာမေးပွဲထိုင် မလို့´ ရယ်လို တစ်ချို့ကျောင်းသားတွေ ပြောလေ့ရှိကြပါတယ်။ ဒီစကားစာ မှားတာပါပဲ။ အင်္ဂလိပ်လိုတော့ ( I am  going to sit examination) လို့ဆိုရင် မှန်ပါတယ်။ မြန်မာ့ ဓလေ့သုံးစကားအတိုင်းဆိုရင်တော့ `ကျွန်တော် စာမေးပွဲဝင်မလို့´ သို့မဟုတ် `ကျွန်တော် စာမေးပွဲဖြေမလို့´ ဟု ဆိုမှသာ မှန်ပါလိမ့်မယ်။

ဘာသာပြန်တဲ့အခါ ကိုယ့်ကိုယ်ကို စာကြည့်သူအနေနဲ့ ထားရပါတယ်။ ခုနှစ်တန်း ရှစ်တန်း ကိုးတန်း ကျောင်းသားများ နားလည်အောင် ရှင်းလင်းပြတ်သားစွာ ရေးရပေလိမ့်မယ်။ `ဌာနာဌာနကောသလ္လ´ ဆိုသလို စကားကို သူ့နေရာနဲ့သူ နေသားတကျ ရေးသား သုံးစွဲသင့်ပေတယ်။ ဒီလိုရေးစွမ်းနိုင်ဖို့အတွက် စကားပရိယာယ် ကောင်းကောင်းကြီး ကြွယ်ဖို့လိုပါတယ်။ အဲဒီအတွက် မြန်မာစာတွေကို မလွတ်တမ်းဖတ်ပေးရပါလိမ့်မယ်။

အထူးသဖြင့် ဦးပုညရဲ့ အရေးအသားတွေကို ဖတ်ဖို့ ကောင်းတယ်လို့ ထင်ပါတယ်။ နှစ်ခေါက် သုံးခေါက်လောက်ဖတ်လိုက်ရင် ကိုယ်ပိုင် မြန်မာစကားလုံး အရေအတွက် သိသိသာသာ ကြီး တိုးတက်လာတာကို မုချတွေ့ရမယ့်အပြင် ( Coined words) သမာသ်နာမ်ဖွဲ့ယူပုံကိုလဲ တက်ကျွမ်းနားလည်လာပါလိမ့်မယ်။ အခုလို အကြံပေးရခြင်းမှာ ဦးပုညရဲ့ စာဟန်စာသွား လေယူလေသိမ်းတွေကို အတုယူဖို့အတွက် ရည်ညွှန်းခြင်း မဟုတ်ပါ။

(Choice of words) စကားလုံးရွေးချယ်သုံးနှုန်းခြင်းနဲ့ (Coined words) သမာသ်နာမ်ဖွဲ့စည်း တီထွင်ခြင်းတို့မှာ နည်းမှီ စံနစ်ပြုရန်နဲ့ အတုမြင် အတက်သင်ရန် အတွက်သာ ရည်ညွှန်းခြင်း ဖြစ်ပါတယ်။ (Beginning of English History) ဆိုတဲ့ `အင်္ဂလိပ် ရာဇ၀င်၏ မူလအစ´ ကို ဘာသာပြန်တုန်းက (Feudalism) နဲ့ အဓိပ္ပာယ်တူ မြန်မာစကားလုံးကို ရှာတဲ့အခါ ဦးပုည ၀တ္ထုပေါင်း ချုပ်ဟာ ကျွန်တော့်ကို အတော်ပဲ ကျေးဇူးပြုခဲ့ပါတယ်။ ဆဒ္ဒန်ဆင်မင်း ၀တ္ထုထဲမှာ

`နှစ်ယောက်စလုံး၊ တပြုံးပြုံးနှင့် အသုံးကံကျွေး၊ ငါးရွာစားပေးပြီးလျှင်၊ ကျေးဇူးရှင်မ၊ သူကိုယ်တိုင်လမ်းပြ၍၊ ဘုန်းဘုရာ့စွယ်တော်ကို၊ အဖြတ်ကျွန်တော် ရောက်ပါသည်´

လို့ဖတ်ဖူး မှတ်ဖူးတာကို နည်းမှီ စံပြုပြီး (Feudalism) ကို အမှုထမ်း အရာထမ်းများအား ကံကျွေးချခြင်းရယ်လို ဘာသာပြန်ခဲ့ရ ပါတယ်။

ဒါ့ကြောင့် အချို့မြန်မာစာတွေကို ရှေးရေးစာ ဖြစ်လေပြီကောရယ်လို့ အကြောင်းမဲ့သက်သက် တယူသန်နဲ့ ပစ်ပယ်ဖို့ မဟုတ်ပါ။ ရှေးစာဖြစ်တဲ့ အတွက်ကြောင့်သာ ညံ့တော့တယ်။ ခေတ်စာ ဖြစ်တဲ့အတွက်ကြောင့်သာ ကောင်းတော့တယ်လို့ တဖက်သတ် မထင်မှတ်အပ်ပါ။

လွှတ်တော်မှတ်တမ်း၊ ဆေးကျမ်း၊ အရေးတော်ပုံနှင့် ရာဇ၀င် အစရှိတဲ့ ကျမ်းတွေကိုလဲ ဖတ်ပေးဖို့ ကောင်းလှပါသေးတယ်။ လုံးရေနည်းနည်းနဲ့ အဓိပ္ပာယ် အင်မတန် ခရီးရောက်ပြီး ပြောဆိုရွတ်ဖတ်လို့ လွယ်ကူတဲ့ သမာသ်ပုဒ် တွေ အများအပြား နည်းယူစာရတွေ့ရပါလိမ့်မယ်။ တချို့စကားတွေဟာ တကယ်ကောင်းပေမဲ့ ခုခေတ်မှာတော့ လူသိနည်းတဲ့ အတွက် ၀မ်းနည်းစရာ တမ်ကော ပပျောက်လုမတက် ရှိနေကြပါတယ်။ `ပုံစံပြရမယ်ဆိုရင် လွှတ်တော်မှတ်တမ်းထဲမှာ `ကြီးရိုး´ `စီးရိုး´ ဆိုတဲ့ စကားဟာ `သူကြီးရိုးရာ´၊ `မြင်းစီးရိုးရာ´ ကို ဆိုလိုတာမို့ တိုတိုနဲ့ အဓိပ္ပာယ် ခရီးရောက်တဲ့အတွက် အဲဒီစကားမျိုး ကို ခုခေတ်ပြန်သုံးဖို့ ကောင်းလှပါတယ်။ ဒါမျိုး အတုယူပြီးတော့လဲ တိုတိုနဲ့ အဓိပ္ပာယ်ပေါ်လွင်မယ့် တခြား သမာသ်ပုဒ်တွေကို တီထွင်ပေးသင့်ပါသေးတယ်။

နောက်ပြီး တစ်ခုက မြန်မာစကားဟာ (Monosyllabic Language) လုံးချင်းဘာသာစကားဖြစ်လို့ စကားတိုင်းမှာ သီးသန့် အဓိပ္ပာယ် တစ်ခုစီ ရှိပါတယ်။ မြန်မာစာကို မပြတ်လေ့လာဆည်းပူးရင်း စကားတစ်လုံးစီရဲ့ သီးသန့်အဓိပ္ပာယ်ကို တိတိကျကျ သိခွင့်ရလာပါလိမ့်မယ်။ ဒီလိုတိတိကျကျ သိမှလဲ သူများနားလည်အောင် ပြတ်ပြတ်သားသား ရေးနိုင်လာပါလိမ့်မယ်။ ပုံစံပြရမယ်ဆိုရင် စာဆိုကျော် ရှင်မဟာရဌသာရရဲ့ `ပုရေနိသင်´ ချီရတုမှာ

`ချစ်စ ထုံးနှောင်၊ ပျော်ရအောင်ဟု၊ သန်ကောင်မဟူ၊ အတူယှဉ်တွဲ၊ သန်လွဲမခန့်၊ အသန်စွန့်၍၊ ဝေးဓွန့်ခရီး၊ ချုံကြီးတောစုံ၊ ၀ါးရုံဝါးစေး၊ သစ်ကျားဘေးကို၊ မတွေးဆံဖျား၊ မလေးစားတည့်။´

လို့စပ်ဆိုရာမှာ `သန်ကောင်´ ရင်းမြစ် အဓိပ္ပာယ်ကို တိတိကျကျမသိသူများက `သန်းခေါင်´ မှသာ မှန်တယ်ဆိုပြီး ရှင်မဟာရဌသာရရဲ့စာကို ပြင်ကြပါတယ်။ `တစ်ရက်မှ တစ်ရက်သို ကူးသန်းရွှေ့ပြောင်းသွားတဲ့အခေါင်အဖျားကာလ´ ရယ်လို့ အဓိပ္ပာယ် အကျယ်ပေးကြပြန်ပါတယ်။ စင်စစ် `သန်ကောင်´ ဆိုတဲ့စကားက မူရင်းဖြစ်ပြီး ရှေးပိုကျပါတယ်။ ဒီစကားဟာ တိဗက်ဘာသာ * Tsan-gun ဆိုတဲ့ စကားနဲ့ အတူတူဖြစ်တာမို့ အဓိပ္ပာယ် အစ်အမှန်အားဖြင့် `ညဥ့်လယ်´၊ `ညဉ်ဗဟို´ လို့ ထွက်ပါတယ်။ သူ့စကားနဲ့ သူ့အဓိပ္ပာယ်ဟာ ရှင်းနေတာမို့ ယုတ္တိတန်တယ်လို့ ယုံကြည်ရန်ဖြစ်ပါတယ်။ အဲဒီတော့ ဒီစကားရဲ့ ယုတ္တိတန်တဲ့ အဓိပ္ပာယ်ကို ဒီလိုတိတိကျကျသိရခြင်းအားဖြင့် `၀ါခေါင်´၊ `ရေလယ်ခေါင်´ တို့ရဲ့ အဓိပ္ပာယ်တွေကို ကြံဆသိသာ နိုင်တဲ့အပြင် `ညဥ့်သန်ခေါင်´ ဆိုတဲ့စကားမှာ `ညဥ့်´ မပါဘဲ အဓိပ္ပာယ်ပြည့်ဝနိုင်ကြောင်း သိသာရန် ဖြစ်ပါသေးတယ်။

`သန်ကောင်´ က `သန်ခေါင်´ သို့ အရေးအသား ပြောင်းလာတာကတော့ အသံနဲ့ဝေါဟာရ ပြောင်းထုံးနည်းစနစ်အရသာ ဖြစ်ပါတယ်။ တစ်ရက်မှ တစ်ရက်သို့ ကူးသန်းရွှေ့ပြောင်းတဲ့ အခေါင်အဖျားကာလဆိုတဲ့ အဓိပ္ပာယ်အရ မဟုတ်ပါ။ ဒါတွေကို ခုလို ကျွန်တော် အစီရင်ခံရခြင်းမှာ (Philology) ဝေါဟာရဗေဒနဲ့ (Phonetics) ၀ါစဿရဗေဒကို အဓိကထားကာ ဘာသာပြန် သူများအား လိုက်စားစေလိုတဲ့ အတွက်ကြောင့် မဟုတ်ပါ။ စကားလုံးရဲ့ တိကျတဲ့ အဓိပ္ပာယ်ကို သိစေမှု သမာသ်ပုဒ်တွေ ဖွဲ့စွမ်းနိုင်စေမှုကိုသာ ရည်မှန်းရှေးရှုခြင်း ဖြစ်ပါတယ်။

နောက်ပြီး လူသုံးများတဲ့ စကားလေးသုံးလုံးကို ပုံစံတင်ပြီးပြောရရင် `လှ၊ ချော၊ ယဉ်´ ဆိုတာဟာ တစ်ခုနဲ့ တစ်ခု အဓိပ္ပာယ် တူပါသလား။ ဒါမှမဟုတ်ရင် ကွဲပြားခြားနားပါသလား။ ကွဲပြားခြားနားခဲ့ရင် ဘယ်လိုကွဲပြားလို့ ဘယ်လိုခြားနားပါသလဲ စသည်ဖြင့် သေသေချာချာ စဉ်းစားကြည့်ရင် ထင်သလောက်မလွယ်ကူတာကိုတွေ့ရပါလိမ့်မယ်။

ဝတ္ထုတွေထဲမှာ `လှတစ်မျက်နှာ၊ ယဉ်တစ်ကိုယ်လုံး´ ရယ်လို့တော့ဖြင့် ခဏခဏသုံးစွဲထားတာကို တွေ့ရတက်ပါတယ်။ အဲဒီစကားသုံးအရ မျက်နှာလှပြီး ကိုယ်ဟန်ပုံပန်းအချိုးအစား မကျသူကို လှတယ်လို့ ဆိုရတော့မလို တစ်ကိုယ်လုံးလှသူကို ယဉ်တယ်လို့ ဆိုရတော့ မလိုကျတဲ့အတွက် သဘောယုတ္တိ မတန်အောင်ရှိနေပါတယ်။ တကယ်ဆိုတော့ `လှတာ´ ဟာ ပကတိမျက်စိအမြင် (တနည်း) စက္ခုအာရုံနဲ့ဆိုင်ပါတယ်။ ဒါ့ကြောင့် ကြည့်ကောင်းတာဟာ လှတာပါပဲ။ ရုပ်ဆင်းသွင်ပြင် တင့်တယ်ခြင်း သွင်ပြင်ဆင်းရောင် ကောင်းမွန်ခြင်းပါပဲ။ အနုစိတ် အဓိပ္ပာယ်ကတော့ ပုံပန်းနှင့် အဆင်းအရောင် နှစ်မျိုးလုံးပင် ကြည့်ကောင်းရမယ်လို့ ဆိုလိုခြင်းပါပဲ။ `ချောတာ´ ကတော့ အပြင်မျက်နှာပန်းရဲ့ ပြေပြစ်မှု မွတ်ညက်မှုကို ဆိုလိုတာပါ။ ပက္ခစကားကတော့ ကြမ်းတာပါပဲ။ `ယဉ်တာ´ ကတော့ (Action) အမူအရာနဲ့ဆိုင်ပါတယ်။ `သိမ်မွေ့နူးညံ့တာ´ ကို ဆိုလိုပါတယ်။ ပက္ခစကားကတော့ `ရိုင်းတာ´ ဖြစ်ပါတယ်။ ဦးပုညရေးခဲ့တဲ့

`ထွတ်ထွတ်ကလေး လှတယ်လို့၊ ရွရွကလေးရယ်တဲ့ လှမ်းတဲ့မေ။ ညက်ညက်သာ ချောတော့၊ မနော ကြည်ကြည်တင့်၊ ကျမ်းနှင့်မသွေ။ ။မြင်မြင်သူ မြင်တဲ့ခိုက်၊ ကြိုက်လို့ပဲ သေသေ၊ ယဉ်ပေစွ ကြော့ကြော့ဆုံး။ ။လှလှရဲ့ လှလှရဲ့ လှခေါင်၊ မြိတ်လွတ် ကယ် ပြေယောင်နဲ့၊ ပိတုန်းတော် ကေကေနွဲ့ကို ပန်းထဲ့လို့ထုံး´

ဆိုတဲ့ လေးချိုးကိုဖြစ်စေ၊ ရတုစာဆို ဘုရင် နတ်ရှင်နောင်ရဲ့

`တင့်လှပေဟန်၊ ဘက်မရန်တည့်၊ ခြောက်တန်နတ်ရွာ၊ ဘုံကလာသို့၊ ပြာပြာလတ်လတ်၊ မွတ်မွတ်ညက်ညက်၊ ရွှန်းရွှန်းစက်မျှ၊ ၀င်းလက်ရောက်ရွှေ၊ အခေါင်ပေတည့်´

ဆိုတဲ့ ရူပကလျာဘွဲ့ကိုဖြစ်စေ သေချာစွာ လေ့လာကြည့်ရှု့ရင် ကျွန်တော်အထက်က အစီရင်ခံခဲ့တဲ့ အဓိပ္ပာယ်တွေ မှန်ကန် ကြောင်း သိသာပါလိမ့်မယ်။ ဒါ့ကြောင့် ဒီလိုတိကျတဲ့ အဓိပ္ပာယ်ကို သိစေဖို့အတွက် မြန်မာစာကို များများကြီး လေ့လာပေးဖို့ရန် ထပ်လောင်းတိုက်တွန်းလိုပါတယ်။

နောက်ပြီးတစ်ခါ ဘာသာပြန်ပုံ နည်းစနစ်နဲ့ ပက်သက်ပြီး စဉ်းစားလိုက်မယ်ဆိုရင်

(၁) မူလစာကိုယ်အတိုင်း လုံးချင်းပြန်မလား။

(၂) မူလစာကိုယ်ကို အားလုံးခြုံပြီး ပြန်မလား။

(၃) မူလစာကိုယ်ကို အင်္ဂလိပ်ဘာသာနဲ့ ဖတ်၍ သိနားလည်တဲ့ အဓိပ္ပာယ်နဲ့ မြန်မာဘာသာပြန်ကို ဖတ်၍သိနားလည်တဲ့

အဓိပ္ပာယ်ချင်းတူအောင် ပြန်မလား။

ဆိုတဲ့ ပြဿနာတွေ ပေါ်လာပါတယ်။ မြန်မာဘာသာနဲ့ အင်္ဂလိပ်ဘာသာဟာ ကံ ကတ္တား ကစလို့ ၀ါကျဖွဲ့ပုံချင်း မတူတဲ့အတွက် လုံးချင်းပြန်ဖို့ သင့်မယ်မထင်မိပါ။ အကယ်၍ အားလုံးခြုံပြီး ပြန်ပြန်ရင်လဲ မူလစာရေးသူရဲ့ စိတ်ကူးစိတ်သန်းအချို့အ၀က်ဟာ လစ်ဟင်းကြွင်းကျန် နေရစ်တတ်ပါတယ်။ အမှန်မှာ မူလစာရေးသူရဲ့ စိတ်ကူးစိတ်သန်းနဲ့ စကားအိမ်ဖွဲ့ပုံတွေဟာ အလွန်အရေး ကြီးလှပါတယ်။ ဒါ့ကြောင့် အားလုံးခြုံပြီး ပြန်ဆိုခြင်းဟာ မသင့်လှပေဘူးလို့ ဆိုရခြင်းဖြစ်ပါတယ်။

တတိယအချက်ဖြစ်တဲ့ အင်္ဂလိပ်လို ဖတ်တဲ့အခါ သိရှိနားလည်တာချင်းဟာ ထပ်တူထပ်မျှ ဖြစ်လေအောင် မြန်မာဝါကျ စစ်စစ်ကိုသုံးပြီး ပြန်မယ်ဆိုရင် စာအရသာချင်း တူညီမှာမို့ သင့်မြတ်ပေလိမ့်မယ်လို့ ယုံကြည်မိပါတယ်။ ဒီမျှသာမကသေးပါ။ စာဖတ်ပရိတ်သတ်များအခက်တွေ့ မယ်နေရာတိုင်းမှာ ရှင်းတမ်းနဲ့ မှတ်ချက်ကလေးများထည့်ပေးမယ်ဆိုရင် ပိုမိုကောင်းမွန်မယ်လို့ သဘောရမိပါတယ်။ ဒါနဲ့စပ်လျဉ်း ပြီး ကျွန်တော်ပြန်ဆိုခဲ့တဲ့ အောက်ပါကောက်နုတ်ချက် နမူနာကလေးကို တင်ပြလိုပါတယ်။

ဗြိတိသျှရာဇ၀င်မှ ကောက်နုတ်ချက်

(a) Political Situation.

When Queen Anne died without children in 1974, the English people were left to choose between two possible rulers. On the one hand, there was Queen Anne's young half-brother, 'The Pretender' as he was called. If strict hereditary succession had been the rule in England, he would have come to the throne, and a large section of the Tory Party, who believed in the Devine Right of King. Parliament however, had the sole right to determine the succession, and even the Tories had helped to pass the Act of Settlement (1701) which debarred James Edward from becoming King of England.

(က) နိုင်ငံရေးအခြေအနေ

၁၇၁၄  ခုနှစ်တွင် `အင်-န်´ ဘုရင်မသည် သားထောက်သမီးခံ ကင်းမဲ့စွာဖြင့် ကွယ်လွန်သောအခါ အင်္ဂလိပ်လူမျိုးတို့မှာ မင်းအဖြစ် ဆက်ခံနိုင်အံသူ နှစ်ဦးအနက် တစ်ဦးဦးကို ရွေးချယ်တင်မြှောက်ရန်သာ လမ်းရှိတော့သည်။ ထိုနှစ်ဦးအနက် တစ်ဦးသည်ကား `အင်-န်´ ဘုရင်မနှင့် အဖေတူ အမေကွဲ မောင်တော်စပ်သူ `ဂျိမ်းစ် အက်ဒွပ်´ ဖြစ်၍ `ပရီတင်းဒါး´၁ ဟူ၍လည်း ခေါ်တွင်ကြသေး၏။ အကယ်၍ အင်္ဂလန်ပြည်၏ ထီးနန်းဆက်ခံရေး၌ ရိုးရာကိုသာ အထူးတလည် အခြေခံထားကာ လိုက်နာခဲ့ပါ မူ ထိုသူသည်ပင် ထီနန်းဆက်ခံရန် အကြောင်းရှိပေသည်။ `တိုးရီးပါတီ´ ၂ ၀င်အများစုကလည်း `ဒီဗိုင်းရိုက်´၃ ဟူသော

ဝါဒကို ယုံကြည်သူများဖြစ်၍ ထိုမင်းသား ဘုရင်ဖြစ်သည်ကို ရှုစိတ်ကြလေမည်ပင်။

သို့ပါသော် `ပါလီမန်´ သာလျှင် ထီနန်းဆက်ခံရေးနှင့် စပ်လျဉ်းသော ပြဿနာကို လုံးဝဆုံးဖြတ်ပိုင်ခွင့်ရှိနေသည့်အပြင် `ပါလီမန်´ သည် ၁၇၀၁ ခုနှစ်တွင် `ထီးနန်းဆက်ခံရေးဥပဒေ´ ကို ပြုလုပ်ခဲ့စဉ်က `တိုးရီး´ တို့ပင် ကောင်းစွာကူညီခဲ့လေသည်။ ထိုဥပဒေအရ `ဂျိမ်းစ်အက်ဒွပ်´ မှာ ဘုရင်ဖြစ်ဖို့ရန် လမ်းပိတ်လျက် ရှိနေတော့၏။

နောက်ထပ် အစီရင်ခံချင်တာကတော့ မြန်မာဘာသာဟာ ဝေါဟာရ မကြွယ်ဝလို့ ထင်သလို ရေးသားဖော်ပြလို့ မဖြစ်နိုင်ဘူးဆိုပြီး အထင်သေး လက်လျှော့ကာ ညည်းညူသံကို ခဏခဏပင်ကြားရပါတယ်။

မှတ်ချက်

၁ `ပရီတင်းဒါး´ ဆိုသည်မှာ မြန်မာဘာသာအားဖြင့် ထီးနန်းရပိုင်သည်ဟု တောင်းဆိုသူ´ ဟူ၍ အဓိပ္ပာယ်ရသည်။

၂ `တိုးရီးပါတီ´ နှင့်ပက်သက်၍ အခန်း (၁) နောက်ဆက်တွဲတွင် အကျယ်ဖော်ပြထားသည်။ ဤနေရာ၌ ကျယ်လွန်းအံ့စိုး၍       ချန်ခဲ့သည်။

၃ `ဒီဗိုင်းရိုက်´ ဟူသည်မှာ ထာဝရဘုရားက ဘုရင်များအား ပေးထားသည်ဟုဆိုသော တိုင်းပြည်စိုးပိုင်ခွင့်ကိုဆိုလိုသည်။ ယင်းသို့ မင်းအဖြစ်ကို ထာဝရဘုရားက ပေးထားသည်ဖြစ်ရာ ဘုရင်အား မင်းအဖြစ်မှ မည်သည့်နည်းနှင့်မှ တိုင်းသူ ပြည်သားများက မလျှောချပိုင်ဟု ယူဆခြင်းဖြစ်လေသည်။

နောက်ထပ် အစီရင်ခံချင်တာ တစ်ခုကတော့ မြန်မာဘာသာဟာ ဝေဟာရ မကြွယ်ဝလို့ဆိုပြီး အထင်သေးကာ လက်လျှော့ညည်းညူသံကို ခဏခဏပင်ကြားရပါတယ်။ စင်စစ် သိမ်မွေ့နက်နဲတဲ့ သဘောတရားတွေကို သဘောပေါက်သိနားလည်အောင် မြန်မာစာနဲ့ဘဲ ရေးသားခဲ့တာ တွေကို ထောက်ချင့်ကြည့်မယ်ဆိုရင် နဲနဲကလေးမျှ အထင်သေး လက်လျှော့စရာမဟုတ်ပါ။ `တစ်ကျောင်း တစ်ဂါထာ၊ တစ်ရွာ တစ်ပုဒ်ဆန်း´ ဆိုတာမျိုးလို ထူးခြားချက်ဟာ ဘာသာတိုင်းမှာ ရှိစမြဲဖြစ်ပါတယ်။ ဂျာမန်ဘာသာမှာ လောကဓာတ် ပညာနဲ့ စပ်ဆိုင်တဲ့စကားလုံးတွေဟာ အခြားအခြား ဘာသာတွေမှာထက် များသလို မြန်မာဘာသာမှာလဲ (Numeral Adjective) ဇာတိသင်္ချာပစ္စည်း စကားတွေဟာ အခြားဘာသာ တွေမှာထက် ထူးထူးကဲကဲ ပေါများလှပါတယ်။ ဥဒဟာရုဏ်ပြရပါရင် ဘုရားတစ်ဆူ၊ ဘုန်းကြီးတစ်ပါး၊ လူတစ်ယောက်၊ ဆင်တစ်စီး၊ ခွေးတစ် ကောင်၊ တောင်းတစ်လုံး အိမ်တစ်ဆောင်၊ မီးတစ်ပြောင်၊ လှေတစ်စင်း၊ သစ်တစ်ပင်၊ တုတ်တစ်ချောင်း၊ ဆေးတစ်လက်၊ ပိုက်ဆံတစ်ပြား စသည်များဖြစ်ပါတယ်။

ဒီတော့ `မြန်မာဘာသာမှာ ဝေါဟာရကြွယ်တယ် မကြွယ်ဘူး´ ဆိုတာဟာ သက်ဆိုင်ရာ ဘာသာပြန်သူ စာကုံးသူ တို့ရဲ့ အသိဥာဏ်ပညာ ဗဟုသုတနဲ့ ကြိုးပမ်းမှု အပေါ်မှာသာ အဓိကတည်နေပါတယ်လို့ ယုံကြည်ချင်သလိုရှိပါတော့တယ်။ ဘာပြုလို့လဲဆို တော့ စကားဝေါဟာရဆိုတာဟာ ပရမတ်သဘောမဟုတ်ဘဲ `ပညတ်´ သဘော သက်သက်မျှသာဖြစ်တဲ့အတွက် `တွင်´ အောင် လုပ်ဖို့ရန် များစွာ မခဲယဉ်းလှပါ။ `တွင်´ တာနဲ့ တစ်ပြိုင်နက် ဝေါဟာရ ဦးရေဟာ ပွားများတိုးတက်လာတော့တာပါပဲ။ လူတို့ရဲ့ယဉ်ကျေးမှုလင်းရောင်ခြည် လေးထွက်ပြူစ ခေတ်အခါက မြန်မာစကား ဝေါဟာရတွေဟာ ခုခေတ်မှာလောက်တော့ များပြားလှတာ မဟုတ်ပါ။

သူ့ခေတ်နဲ့သူ တီထွင်လာခဲ့ ကြတဲ့ ဘေး ဘိုး စဉ်ဆက်တို့ရဲ့ ဂုဏ်ကျေးဇူးကြောင့် ဒီလောက်များပြား ကျယ်ဝန်းတဲ့ ဝေါဟာရတွေကို ကျွန်တော်များ အမွေခံလိုက်ရပြီးဖြစ် ရာ ခုဒီခေတ်ရောက်ကာမှ ဝေါဟာရနယ်ချဲ့မှုကို မကြိုးပမ်းပါဘဲ စကားမကြွယ်ဘူး မလုံလောက်ဘူးဆိုပြီး ညည်းညူလက်လျှော့နေမယ်ဆိုရင် ရှေးသူဟောင်းတို့ရဲ့ ဂုဏ်ကျေးဇူးကိုပင် မထောက်ထားရာ ကျရောက်နေပါလိမ့်မယ်။

ဒါ့ကြောင့် ကျွန်တော်ယုံကြည်ချက်ကို အချုပ်အားဖြင့် အတိအလင်းအစီရင်ခံရပါရင် `မြန်မာဘာသာဟာ ဝေါဟာရ နယ်ချဲ့သူအတွက် စကားလုံးကြွယ်ဝတဲ့ဘာသာ၊ ဝေါဟာရ နယ်မချဲ့သူ အတွက် စကားလုံး မကြွယ်ဝတဲ့ ဘာသာ´ အမြဲ ဖြစ်နေပေလိမ့်မယ်လို့ နောက်ဆုံး နိဂုံးချုပ်အနေနဲ့ ဆိုချင်ပါတော့တယ်ခင်ဗျား။

ရန်ကုန်တက္ကသိုလ် မြန်မာစာပါမောက္ခဟောင်း ဦးအေးမောင် (၁၉၀၅-၁၉၈၅) ရဲ့ တင်ပြချက် ဖြစ်ပါသည်
Posted by ထွန်းမြင့်ဌေး