ဆရာကြီး ဦးသာနိုးရဲ့ ဆောင်းပါး(၂၆)

အခုထိ တင်ပြခဲ့တဲ့ Adj Clause, Adv Clause, N Clause ဆိုတဲ့ ပုဒ်စု သုံးမျိုးဟာ ပင်မ၀ါကျကြီးရဲ့ အစိတ်အပိုင်းမျှသာဖြစ်တယ်။ ပင်မ၀ါကျကြီးနဲ့ ခွဲထုတ်လို့မရဘူး။ ပင်မ၀ါကျကြီးကို မှီခိုနေတယ်။ ဒါကြောင့် သူတို့ကို လက်အောက်ခံပုဒ်စု ( Subordinate Clause ) ၊ အမှီခိုပုဒ်စု ( Dependent Clause ) စသည်ဖြင့်ခေါ်ကြတယ်။ ဒီပုဒ်စုတွေဟာ အင်္ဂလိပ်သဒ္ဒါရဲ့ ဒုတိယဆင့်မှာ ( Noun တွေ Verb တွေ ကျေပွန်တတ်ကျွမ်းလာပြီးနောက် ၀ါကျဖွဲ့တဲ့အဆင့်မှာ ) အလွန်အရေးကြီးပါတယ်။ တော်ရုံတန်ရုံ အင်္ဂလိပ်စာ တတ်သူ သဒ္ဒါရေးမှားတယ်ဆိုတာ ဒီမှီခိုပုဒ်စုတွေကို သုံးတဲ့နေရာမှာ မှားတာပါပဲ။ ဥပမာ……..
Because he had no money.
( အတိုကောက်ပြောနေတာ၊ အဖြေပေးနေတာဆိုရင်တော့ ဒီပုဒ်စုကို ခွင့်လွှတ်နိုင်ပေမယ့် စာစီစာကုံး နေရာမှာ ခုလိုရေးတာဆိုရင်တော့ မပြည့်စုံတဲ့အတွက် မှားတယ်။ )
When I got to Mandalay, where my uncle lives.
( ရေးရင်းက မျက်ခြည်ပြတ်သွားပြီ ပင်မ၀ါကျကို ထည့် ရေးဖို့ မေ့သွားတာပါ။ ဒါများဆုံးမှားလေ့ရှိတဲ့ နမူနာပါပဲ။ )
အဲ့လိုအမှားမျိုး မကျူးလွန်မိရလေအောင် တင်ပြပြီးသမျှ Adj, Adv, N Clause တွေကို ကျကျနန နားလည်နေပါစေ။
အခုတင်ပြမယ့် Coordinate Clause ဆိုတာကတော့ အဲလောက် မခက်ခဲလှပါဘူး။ မှတ်သားစရာ မများသလို အမျိုးအစားလည်း နည်းပါတယ်။
Birds fly ............. ငှက်များ ပျံသန်းတယ်။
Fish swim .......... ငါးများ ရေကူးတယ်။
ဒီဝါကျနှစ်ခုကို and နှင့် ဆက်လိုက်လျှင် ……..
Birds fly and fish swim.
ငှက်များ ပျံသန်းပြီး ငါးများ ရေကူးတယ်။
အဲလို တစ်ဝါကျဖြစ်သွားပေမယ့် Birds fly ကလည်း Fish swim အပေါ် မှီခိုမနေပါဘူး။ သီးခြား လွတ်လပ်လို့ပဲ နေကြတယ်။ ဘယ်သူကမှ ဘယ်သူရဲ့ လက်အောက်ခံ မဟုတ်ပါဘူး။ မှီခိုသူမဟုတ်ဘူး။ တန်းတူရည်တူ ရှိကြတာပေါ့ ။ ဒါကြောင့် ဒီပုဒ်စုတွေကို Coordinate Clause ( တန်းတူရည်တူ ပုဒ်စု ) လို့ ခေါ်ကြတယ်။
မှတ်ချက်.။........။ အခုတင်ဆက်နေတဲ့ Coordinate Clause ဆိုတာ မြန်မာစကားမှာ မရှိဘူး။ ဒါကို မြန်မာပညာရှိများရော၊ နောက်နိုင်ငံသား ပညာရှင်အချို့ပါ ရှိလေဟန် အထင်မှားတတ်ကြတယ်။ မြန်မာမှာ Subordination သာရှိပြီး Coordination မရှိဘူး။
Coordinate Clause လေးမျိုးရှိတယ်။

1.Cumulative
ပူးပေါင်းယူတဲ့ အဓိပ္ပာယ်ပါပဲ။ အရိုးဆုံး and နဲ့ ဆက်တယ်။ အလားတူ အဓိပ္ပာယ်ထွက်တဲ့ စကားဆက်အချို့လည်းရှိရဲ့။
Birds fly and fish swim.
Men may come and men may go.
Not only did they rob the people but they killed them.
2.Adversative
ဆန့်ကျင်ဘက်အဓိပ္ပာယ်ထွက်တဲ့ ၀ါကျနှစ်ခုကို ဆက်ထားတာပါပဲ။ အရိုးဆုံး စကားဆက်က but ဖြစ်ပါတယ်။
Mi Mi is pretty but she is stupid.
Thura worked hard, yet he failed in the examination.
She has left me, still I love her.
We’ve failed, nevertheless we must not lose hope.
3.Alternative
နှစ်ခုအနက် တစ်ခုကို ရွေးချယ်တဲ့သဘောဖြစ်တယ်။ အသုံးအများဆုံးက or ဖြစ်ပါတယ်။
Work hard or you will not succeed.
Walk fast, or else you will miss the train.
( ဒီနေရာမှာလည်း or ချည့်သုံးလည်းရတယ်။ else ချည့် သုံးလည်းရပါတယ်။ )
Either you are lying or he is not telling the truth.
Neither come to me nor write to me again.
4.Illative ( illative )
တစ်ခုဆီက တစ်ခုကို ကောက်ချက်ချဆွဲယူတဲ့ သဘောပါပဲ။ အများဆုံးသုံးတဲ့ စကားဆက်က so and therefore ပါ။
You are late, so I will punish you.
I was very ill, therefore I did not come.
ဒါရှေးရိုးသဒ္ဒါစာအုပ်တို့ အစီအစဉ်အတိုင်း ဖော်ပြလိုက်တာပါ။ ခုခေတ်စာအုပ်တွေမှာတော့ Coordinate စကားဆက်အဖြစ် and, but, or လောက်ပါပဲ။ not နဲ့ for ကို စာသုံးပေသုံးအဖြစ်သာ သတ်မှတ်ကြတယ်။ so, still, yet, indeed, however စတာတွေကို coordinate မှာ သုံးတဲ့ Adverbs လို့ ဆိုကြတယ်။
ဘာစကားဆက်မှ မသုံးပဲ coordinate clause တွေကို ဆက်လို့ ရသေးတယ်။
I came, I saw, I conquered.
Thura was in the shop. Muya was in the kitchen.
I looked at my watch, it was ten o’ clock.
Coordinate Clause တွေမှာ Subject တစ်ခုတည်းဖြစ်ခဲ့လျှင် နှစ်ကြိမ်ထပ်ဆိုစရာ မလိုပဲ မြှုပ်ထားနိုင်ပါတယ်။
She sat down and wrote a letter. ( ဒုတိယပုဒ်စုမှာ she ထပ်မဆိုတော့ဘူး။ )
I wanted to go but had no transport. ( ဒုတိယပုဒ်စုမှာ I ။ )
အလားတူ V ဖြစ်နေလျှင်လည်း ဖြုတ်နိုင်သေးတယ်။
My father is Myanmar, and my mother Chinese. ( ဒုတိယပုဒ်စုမှာ is ထပ်မဆိုတော့ဘူး။ )
Boys love girls, and girls boys. ( ဒုတိယပုဒ်စုမှာ love ထပ်မဆိုတော့ဘူး။ )
Relatives တွေကိုလည်း coordinate စကားဆက်အဖြစ် သုံးနိုင်ပါတယ်။
You’ve failed badly, which is unfortunate.
( ဒီနေရာမှာ which ဟာ and it နဲ့ ညီမျှပြီး ရှေ့ပုဒ်စုတစ်ခုလုံးကို ညွှန်းတယ်။ )
I will come next Sunday, when we can talk things over.
( when ဟာ and then နဲ့ ညီမျှတယ်။ ရှေ့ပုဒ်စုကို ညွှန်းတယ်လို့ ဆိုနိုင်ပါတယ်။ ငါလာတဲ့အခါ - လို့ ပြောတာပါပဲ။ )

Posted by ကိုတူး(မိတ္ထီလာ GTI)