အိပ်ပျက်ည

မိုးမခြိမ်းလိုက်နဲ့...
အော်လိုက်ကြတဲ့ဖားတွေ
မယုံရဲ ယုံရဲနဲ့၊
ဒဏ်ရာဗရပွ ရင်မှာပိုက်
ငိုက်မြည်းနေတဲ့ မျက်စိတွေ ပွတ်သတ်လို့
လာရပ်ကို မှန်းမျှော် 
 တော်တော်နဲ့ကို မိုးမချုပ်နိုင်ဘူး တဲ့ ။

အလင်းတစ်အုပ်
ခပ်စုတ်စုတ်နဲ့ ပြိုဆင်းလာလို့
ကိုယ့်ရင်တွေလဲ လှုပ်ရှား
မိုးများလင်းတော့ မလားပေါ့
ဖျော့တော့တော့ အတွေးများနဲ့
မှုံရီေ၀၀ါး လမ်းမများကြား
စူးစိုက်ငေးရင်း
လင်းကြက်တောင်မတွန်သေးတာ
ဒီလိုနဲပဲ ငါ့မှာ
အိပ်ရေးပျက်ပေါင်းတွေ များလှပြီ။   ။

Posted by ဂျစ်တီး

ဆရာကြီး ဦးသာနိုးရဲ့ ဆောင်းပါး(၂၄)

ဘာဖြစ်လျှင် ညာဖြစ်လျှင်ဆိုတဲ့ ပုဒ်စုကို Condition လို့ ခေါ်တယ်..။ မြန်မာလို ခေါ်စ၇ာ စကားလုံး မ၇ှိဘူး.။ ( ဘာသာစကားတစ်ခုက တစ်ခု နေရာတကာ ဘာသာပြန်လို့ မရဘူးဆိုတဲ့ ဘာသာဗေဒ သဘောတရားကို ဒီနေရာမှာ သာဓကတစ်ခုအဖြစ် တွေ့ရတာပါပဲ။ ) သုံးမျိုးရှိတယ်. တစ်မျိုးနဲ့ တစ်မျိုး ကြိယာပုံစံ ကွဲပြားတဲ့အတွက် သေသေချာချာ မှတ်ရပါတယ်..။
Condition . 1
( တကယ်ဖြစ်နိုင် )
If .... present tense ........, .......... will + v ..................
Condition . 2
( မဖြစ်နိုင်တာ ၊ ပစ္စုပ္ပန် )
If ....... past tense ........., .......... would + v ...............
Condition . 3
( မဖြစ်နိုင်တာ ၊ အတိတ် )
If ....... past perfect ........., ........ would have + v .............
နမူနာ
If you work hard, you will succeed.
If you drank poison, you would die.
If you had come earlier, you would have met her.

စာကြိုးစားလျှင် စာမေးပွဲအောင်မယ်ဆိုတာ တကယ်ဖြစ်နိုင်ပါတယ်။ ဒါကြောင့် ဒီနေရာမှာ Condition.1 ကို သုံးပါတယ်။ If နဲ့ စတဲ့ Adv Clause မှာ Present tense ကို သုံးပြီး Main Clause မှာ will ပါတဲ့ Future ကို သုံးပါတယ်။
အဆိပ်သောက်ဖိုိ့ဆိုတာ များသောအားဖြင့် ဖြစ်ဖို့ အလားအလာ သိပ်မရှိပါဘူး။ အဆိပ်သောက်မယ့်လူ မရှိပါဘူး။ သောက်များသောက်လျှင်ဖြင့် သေလိမ့်မယ်လို့ ပြောတာပါ။ တကယ်လုပ်မှာကို ပြောနေတာ မဟုတ်ပါဘူး။ ဒါကြောင့် Condition.2 ကို သုံးပါတယ်။ Adv Clause မှာ Past tense ကို သုံးပြီး Main မှာ would ကို သုံးပါတယ်။
( I နဲ့ ဆိုရင် should သုံးလည်း ရပါတယ်။ ) Past လို့ လွယ်အောင်ပြောလိုက်တာ အများစုအဖို့တော့ မှန်တယ်။ go က went ၊ know က knew ဖြစ်ပါတယ်။ be ကိုတော့ was မဟုတ်ဘဲ were ပဲ သုံးရပါတယ်။ Conditional tense လို့ ခေါ်ပါတယ်။
If i were a cat, i would eat you up.
ငါသာ ကြောင်ဆိုလျှင် မင်းကို စားပစ်မှာ.။
မှတ်စရာ.။ ..........။ တကယ်ကို စိတ်ဆင်းရဲစရာရှိလို့ အဆိပ်သောက်မယ် လုပ်နေတဲ့ လူကိုတော့ If you drink poison, you will die. လို့ ပြောနိုင်တာပေါ့လေ။

ဂုဏ်တော်ကိုးပါး အနက် အဓိပ္ပါယ်တွေ ဆင်ခြင်ပြီး.. ဂုဏ်တော်ပွားကြရအောင်

ဂုဏ်တော်ကိုးပါး အနက် အဓိပ္ပါယ်တွေ ဆင်ခြင်ပြီး.. ဂုဏ်တော်ပွားကြရအောင်
အရဟံ ကိလေသာ ကင်းစင်တော်မူသော မြတ်စွာဘုရား။

- စိတ်ကို ပူလောင်စေတတ်တဲ့ သဘောတွေ၊ စိတ်ကိုညစ်နွမ်းစေတတ်တဲ့ ဓါတ်တွေကို ကိလေသာလို့ ခေါ်ပါတယ်။လောဘ၊ ဒေါသ၊ မာန၊ မစ္ဆရိယ .... အစရှိတဲ့ ဓါတ်ဆိုးဓါတ်ယုတ် ဓါတ်ပုပ် ဓါတ်ညံ့တွေဟာ .. ကိလေသာတွေပါ။မြတ်စွာ ဘုရားရှင်မှာ အဲ့ဒိ ကိလေသာ အညစ်အကြေးတွေ လုံးဝ မရှိ ၊ ကင်းစင်တော်မူတယ် ဆိုတာကို ထပ်တလဲလဲ အာရုံပြုနေရင် ...ကိုယ့်စိတ်လည်း ... အပူတွေ ကင်းရှင်းပြီး .. စိတ်အေးသန့်ရှင်းကာ ... ငြိမ်းချမ်းမှု ရစေနိုင်ပါတယ်။

အရဟံ ဆိတ်ကွယ်ရာအရပ်ပင်ဖြစ်သော်လည်း မကောင်းမှု တရားတို့ကို ပြုတော်မူ၊ စိတ်တော်ကပင် ကြံစည်တော်မမူသော မြတ်စွာဘုရား။- မကောင်းမှုပြုတယ်ဆိုတာ စိတ်မှာ ကိလေသာရှိလို့ပြုတာပါ။ ကိလေသာမှန်သမျှ လုံးဝ မရှိတော့တဲ့ မြတ်စွာဘုရားရှင်ဟာ ဆိတ်ကွယ်ရာအရပ်မှာ တောင် မကောင်းမှုကို မပြု၊ မကြံစည်တော့ ပါဘူး။ဒီဂုဏ်ကို အမြဲ သတိရနေတဲ့ သူဟာ မကောင်းမှုပြုမယ်ကြံတိုင်း အလိုလို စိတ်တွန့်ဆုတ်ပြီး မကောင်းမှု အတော်များများကို ရှောင်ကြဉ်ဖြစ်သွားပါလိမ့်မယ်။

သင်၏ ပထမဆုံး အလုပ်တွင် ရှောင်လွှဲရမည့် အမှား (၈) ရပ်

ကဲ သင် တက္ကသိုလ်ကနေ ဘွဲ့တစ်ခုရပြီး၊ စီးပွားရေးတွေကျဆင်းနေတဲ့ ကြားထဲက အလုပ်တခုရပြီနော်၊ ဂုဏ်ယူပါတယ်။ အခုမှ တကယ်လုပ်ငန်းခွင် ဘဝစမှာပါ။ အခု ပထမဆုံး အလုပ်မှာ ပိတ်မိမနေဘဲ နောက်နောင် ယခုထက်ပိုကောင်းတဲ့ အလုပ်တွေရအောင် အောက်ပါပြောထားတဲ့ အလွဲရှစ်ရပ်ကို ရှောင်ကြဉ်ဖို့လိုပါတယ်။
(က) ဆန္ဒစောခြင်း
ပထမဆုံး အလုပ်ခွင်ဝင်တဲ့နေ့မှာ ကိုယ့်အစွမ်းအစကို သိအောင်ထုတ်ပြချင်တာကတော့ သဘာဝပါပဲ။ ဒါပေမယ့် အများအမြင်မှာ ကိစ္စတစ်ခုကို တက်တက်ကြွကြွ ဦးဆောင်လုပ်တာနဲ့ လူတွင်ကျယ်အောင်လုပ်တာနဲ့ သိပ်မကွာဘူးဖြစ်နေတတ်တယ်။ "They Don't Teach Corporate in College" စာအုပ်ကို ရေးသားသူ Alexandra Levit ကတော့ ဒီလိုဆိုပါတယ်။ "ကိုယ့် နာမည်ရဖို့ ကိစ္စတွေကို ချက်ချင်း ဝုန်းဒိုင်း ဝုန်းဒိုင်း ထမလုပ်ပါနဲ့ ၊ သူများတွေ ဘယ်လိုအလုပ်လုပ်တယ် ၊ သူတို့ စိတ်ကူးတွေကို ဘယ်လို တင်ပြတယ်ဆိုတာကို အရင် လေ့လာပါ။ ဘယ်လို အလုပ်လုပ်ကြတယ် ဆိုတာကို သေချာသိပြီဆိုမှ သင့်ရဲ့ အကြံကို တင်ပြပြီး သူများတွေရဲ့ ထင်မြင်ယူဆချက်ကို တောင်းခံပါ။"
(ခ) အချိန်ယူလွန်းခြင်း
ကိုယ့်ရဲ့ပထမဆုံး ဌာနတွင် အစည်းအဝေးကို ပြုပြင်ပြောင်းလဲစရာတွေ ရေးမှတ်ထားတဲ့ စာရွက်ကြီးနဲ့ မသွားသင့်သလို၊ အလုပ်စလုပ်တဲ့ပထမ တစ်လလုံး အခန်းထဲမှာငုတ်တုတ်ထိုင်ပြီး တခြားလူတွေက လာမိတ်ဆက်မှာကို စောင့်မနေသင့်ပါဘူး။ လုပ်ဖော်ကိုင်ဖက်တွေနဲ့ ရင်းနှီးမှုရယူပြီး သူတို့ဘာတွေ လုပ်တယ်ဆိုတာလေ့လာသင့်ပါတယ်။ လူတွေက ကိုယ့်ကိုလျှစ်လျူရှုထားတယ်ဆိုပြီး အမြင်မစောင်းသင့်ပါဘူး။
(ဂ) နည်းပညာကိုတလွဲသုံးခြင်း
အစည်းအဝေးလုပ်နေတုန်း text message ပို့လို့ရလား ၊ ရုံးချိန်အတွင်း Facebook သုံးလို့ရလား အလုပ်လုပ်ရင်းနဲ့ i-pod နားထောင်လို့ ရလား။ ဒီကိစ္စတွေကို ကုမ္ပဏီ တခု နဲ့ တခု ခွင့်ပြုတာခြင်း မတူကြပါဘူး။ တခြားလူတွေ ဘယ်လို နည်းပညာကို သုံးနေကြတယ်ဆိုတာကို ဂရုစိုက်လေ့လာပါ။
(ဃ) အစတည်းကယဉ်သကို
အဝတ်ဝတ်တာကအစ ၊ လက်ဆွဲနှုတ်ဆက်တာအဆုံး အခြားလူတွေကလူသစ်ဖြစ်တဲ့သင့်ကို သတိထားစောင့်ကြည့်နေလိမ့်မယ်။ Levit ကလူတွေနဲ့ ပထမဆုံးတွေတဲ့အချိန်မှာသင်ဘယ်လို ပြုမူတယ်ဆိုတာကို အထူးသတိထားဖို့အဆိုပြုထားပါတယ်။
(င) သင့်အထက်လူကြီး၏လိုအပ်ချက်များအားလေ့လာခြင်း
အလုပ်ခွင်ဝင်ဝင်ခြင်း ပထမသုံးလအတွင်း သင့်အထက်လူကြီးက သင့်ထံမှဘာတွေ မျှော်လင့်ထားတယ်ဆိုတာ သိအောင်လုပ်ဖို့လ်ိုပါတယ်။ အလုပ်အကိုင်အကြံပေး Peter Jacobs ကတော့သင်ရဲ့လူကြီးနဲ့ ပုံမှန်တွေ့ ဆုံဆွေးနွေးပြီး နှစ်ဦးနှစ်ဖက်လိုအပ်ချက်တသားထဲဖြစ်အောင် လုပ်ဖို့လိုကြောင်း တိုက်တွန်းပြောဆိုထားပါတယ်။
(စ) သင့်အထက်လူကြီးကိုနားမလည်ခြင်း
သင်နှင့်သင့် အထက်လူကြီး ပြောဆိုဆက်ဆံပုံ စတိုင်ချင်း တူခြင်မှတူပါလိမ့်မယ်။ သူဘယ်လိုပြုမှုပြောဆိုဆက်ဆံတာကို နှစ်သက်တယ်ဆိုတာ သိအောင်လေ့လာပါ။ သင့်လူကြီးက သတင်းအချက်အလက်တွေကို နှစ်သက်တယ်ဆိုတာ သိအောင်လေ့လာပါ။ သင့်လူကြီးကသတင်းအချက်အလက်တွေကို အီးမေးနဲ့လိုချင်တာလား၊ အစီရင်ခံစာနဲ့လိုချင်တာလား၊ ဘယ်လိုပုံစံနဲလိုချင်တယ်ဆိုတာ သိဖို့လိုအပ်ပါတယ်။ အမြဲတမ်းအစီရင်ခံနေဖို့လိုလား၊ အရေးကြီးအကြောင်းအရာတွေကိုပဲသိချင်တာလား၊ ဆိုတာသိအောင်လုပ်ဖို့လိုပါလိမ့်မယ်။
(ဆ) အထီးကျန်စွာနေထိုင်ခြင်း
သင့်အထက်အရာရှိသည် လွန်စွာအသုံးဝင်သော အရင်းအမြစ်တခုဖြစ်ပါသည်။ သို့သော်လည်း ခိုင်မာသော အသက်မွေးဝမ်းကြောင်း အလုပ်တခုတည်ဆောက်နိုင်ရန် လူအများအပြားထံမှ အကြံဥာဏ်များရယူရန်လိုအပ်သည်။ မိမိအားနည်းမှန်လမ်းမှန်ကို ညွှန်ပြပေးနိုင်မည့်ဆရာကောင်းများ၊ တိုင်ပင်ဆွေးနွေးစရာ ပုဂ္ဂိုလ်များ ရှာဖွေထားရန်လိုသည်။
(ဇ) အလုပ်ကိုတန်ဖိုးမထားခြင်း
သင်၏လက်ရှိအလုပ်က အရမ်းကောင်းတာပာုတ်ချင်မှပာုတ်ပါလိမ့်မည်။ ဒါပေမဲ့ လက်ရှိအလုပ်မှာ အတတ်ပညာသစ်တွေကို ရနိုင်တဲ့အခွင့်အရေး၊ စီးပွားရေးအခွင့်အရေးလောကအကြောင်းကို လေ့လာနိုင်တဲ့အခွင့်အရေး၊ အသိမိတ်ဆွေအသစ်တွေကိုရနိုင်တဲ့အခွင့်အရေးအဖြစ် ရှုမြင်နိုင်မယ်ဆိုရင် အကျိုးရှိပါလိမ့်မယ်။ယခုအချိန်ကို သိမှတ်စရာတွေ သင်ယူရတဲ့ အချိန်အဖြစ် သဘောထားပြီး ပျော်ပျော်နေလိုက်ပါ။ ဘာဖြစ်လို့လဲဆိုတော့ ဒီလိုအချိန်ကို နောင်ဘယ်တော့မှ ပြန်ရနိုင်မှာမပာုတ်တော့လိုပါ။

Ref : ကျွန်တော် လေ့လာဖတ်ရှုခဲ့တဲ့အထဲကပါ။
Posted by ဝတီ

ပေါ့ပေ့ါ..ပါးပါး... ပြုံး.............

လူမထွက်ဘူး

ဒကာမတစ်ယောက်သည် ဘုန်းတော်ကြီးကျောင်းသို့လာရာ

ဘုန်းကြီးက ။ ။ ဟဲ့ဒကာမ၊ ဘာဖြစ်လို့လာသတုံး။

ဒကာမ ။ ။ အရှင်ဘုရား လူထွက်မယ် ကြားလို့ပါဘုရား။

ဘုန်းကြီး ။ ။ ဟာ ဘုန်းကြီးက လူထွက်တာ ဘယ်ကမ္ဘာကမှမရှိဘူးဟ။
တစ်နေ့က လာအပ်တဲ့ ကလေးနှစ်ယောက် ဟာဘယ်သူက
မွေးတာတုံးဟ။
ဒကာမ ။ ။ တပည့်တော်မက မွေးတာပါဘုရား။

ဘုန်းကြီး ။ ။ အိမ်း တစ်သက်လုံးမှတ်ထား၊ ဒကာမကသာ လူထွက် သဟ။

စတုတ္ထအကြိမ် မြတ်ဆရာပူဇော်ပွဲနှင့် စုံညီမိတ်ဆုံစားပွဲ

Posted  by ထွန်းမြင့်ဌေး

စတုတ္ထအကြိမ် လုပ်ဖြစ်မယ် ဆိုရင်...

အထက်မှာ ပြထားတဲ့ ဖိတ်စာ(တတိယအကြိမ် အစိုးရ စက်မှုလက်မှုသိပ္ပံ၊ မိတ္ထီလာ အာစရိယပူဇော်ပွဲ) ကို Email က တဆင့် ရပါတယ်။ ဒါပေမဲ့ အကြောင်းအမျိုးမျိုးကြောင့် အလှူငွေလည်း မထည့်ဖြစ်ခဲ့ဘူး။စတုတ္ထအကြိမ်များ လုပ်ဖြစ်ခဲ့ရင် ကျွန်တော်တို့ ဒီ Blog ကနေ စုစည်းပေးကြတာပေါ့။ ပထမအကြိမ် ဆရာကန်တော့ပွဲ VIDEO မှတ်တမ်းတင်ပေးတဲ့ ကိုခဲ နဲ့ ကိုဝတီကို ကျေးဇူးတင်ပါတယ်။

Posted by ထွန်းမြင့်ဌေး

(တတိယအကြိမ်) စက်မှုလက်မှုသိပ္ပံ (မိတ္ထီလာ) မြတ်ဆရာပူဇော်ပွဲနှင့် မိတ်ဆုံစားပွဲ

Posted by MTLA GTI GROUP

(ဒုတိယအကြိမ်) စက်မှုလက်မှုသိပ္ပံ (မိတ္ထီလာ) မြတ်ဆရာပူဇော်ပွဲနှင့် မိတ်ဆုံစားပွဲ အပိုင်း(၁)

Posted by MTLA GTI GROUP

(ဒုတိယအကြိမ်) စက်မှုလက်မှုသိပ္ပံ (မိတ္ထီလာ) မြတ်ဆရာပူဇော်ပွဲနှင့် မိတ်ဆုံစားပွဲ အပိုင်း(၂)

Posted by MTLA GTI GROUP