ဆရာကြီး ဦးသာနိုးရဲ့ ဆောင်းပါး(၄)

Simple Present Tense

မြန်မာကျောင်းသားတွေ အင်္ဂလိပ် Verbs ကို သုံးရာမှာ မှားယွင်းရတဲ့  အကြောင်းကတော့  မြန်မာနှင့် အင်္ဂလိပ် ဘာသာစကားနှစ်ခု မတူကွဲပြားမှုပါပဲ။ မြန်မာမှာက ကြိယာနဲ့ နာမ၀ိသေသန သိပ်ကွဲကွဲပြားပြား မရှိလှပါဘူး။ ဒီစကားလုံးပဲ ကြိယာလိုသုံး၊ ဒီစကားလုံးပဲ နာမ၀ိသေသနလို သုံး ဖြစ်နေတယ်။ သူလှတယ် ( ကြိယာ ) ၊ မိန်းမလှ ( နာမ၀ိသေသန )၊ မင်းတော်တော်ဆိုးတယ်          ( ကြိယာ )၊ လူဆိုး (  နာမ၀ိသေသန ) ၊ အင်္ဂလိပ်မှာက ကြိယာ သတ်သတ်၊ နာမ၀ိသေသနက သတ်သတ် ။ ကြိယာရော နာမ၀ိသေသနပါ ဖြစ်နိုင်မယ့်  စကားလုံးများရှိပေမယ့် အများစုက ကွဲပြားခြားနားကြပါတယ်။ ဒီတော့ မြန်မာကျောင်းသားက မြန်မာစကားရဲ့ အကျင့်ပါနေပြီး အင်္ဂလိပ်စကားမှာလည်း ကြိယာနဲ့ နာမ၀ိသေသန ရောထွေးကုန်တော့တာပါပဲ။ ဒီိလိုမဖြစ်ရအောင်ရှောင်တဲ့ နည်းကတော့ စကတည်းက ကျကျနန ခွဲခြားသတ်မှတ်ပြီး ကျက်မှတ်ရပါမယ်။ good, pretty, short, စတာတွေက နာမ၀ိသေသနတွေ ။ နာမ၀ိသေသနလို သုံးရမယ်။ It is good. She is pretty. He is short. စသဖြင့်ပေါ့လေ ။ come, eat, go စတာတွေက ကြိယာတွေ ကြိယာလို သုံးရမယ်။

He is coming.
I will go now.
We ate quickly. စသဖြင့်..........
စကားလုံးတွေကို စတင်ကျက်မှတ်ကတည်းက ( မီးနင်း ) လို့  ခေါ်ကြတဲ့  မြန်မာ အဓိပ္ပာယ်လောက်တွင် ကျက်မှတ်တာမျိုး မဖြစ်သင့်ဘူး။
ရှေးအခေါ် Parts of Speech, ခေတ်အခေါ် Word - class အရ ဒါကတော့ Noun ပဲ ၊ သူကတော့ Verb ပဲ၊ ဒါလေးကတော့ Adjective ပဲ ခွဲခြား မှတ်သားသွားတာမျိူး လေ့ကျင့်၇မယ်။ ဒီလိုသာခွဲခြား မှတ်သားသွားရင် စောစောက ပြောခဲ့တဲ့ အမှားမျိုး မမှားနိုင်တော့ဘူးပေါ့။
ဥပမာ- ဒါကောင်းတယ် လို့  ပြောချင်တယ် ဆိုပါတော့ This လို့  ပြောပြီးတဲ့နောက်မှာ ကောင်းတယ် ဟာ မြန်မာမှာတော့ ကြိယာဖြစ်တယ်။ အင်္ဂလိပ်လိုမှာရော ကြိယာ ဟုတ်ရဲ့ လား ၊စဉ်းစားချင့်ချိန်တတ်ရမယ် ။ သို့ မဟုတ်ရင်ဖြင့် အင်္ဂလိပ်စာ မတတ်တဲ့ လူတစ်ယောက်က တိုးရစ်ကြီးကိုပြောသလို This good ဖြစ်သွားမယ်။ သေသေချာချာ စကတည်းက ခွဲခြားလာသူမှ good ဟာ Verb မဟုတ်၊ Adjective ဖြစ်တယ်။ သူ့ ကို Subject နောက်က ကြိယာလို သုံးချင်ရင် is ထည့်ပေးရမယ်ဆိုတာကို သိနားလည်ပြီး This is good. လို့  မှန်မှန်ကန်ကန် ပြောမိပေလိမ့်မယ်။
အလားတူပဲ ( သူသွားပြီ ) လို့  ပြောချင်တယ်ဆိုပါတော့ He လို့  ပြောပြီးတဲ့နောက်မှာ (သွားပြီ) ကို ဆက်ပြောရမှာ ဖြစ်နေပြီ။ ဒီစကားလုံးဟာ Verb ဆိုတာကို သိရမယ်။Verb မို့လို့  Adj လို is နဲ့  ဒီအတိုင်းတွဲပြီး He is go. မလုပ်နိုင်ဘူးဆိုတာ သိရမယ်။ အခြေအနေ လိုအပ်ချက်ကို ချင့်တွက်တတ်ရမယ်။ အဲလို အဖက်ဖက်က ချင့်တွက်ပြီး He has gone လို့  ပြောတတ်ရမယ်။ ကျနော်တို့  Verb ရုပ်ကို လေ့လာတယ်ဆိုတာ ဒီလိုအခြေအနေ လိုအပ်ချက်အလိုက် မှန်မှန်ကန်ကန် သုံးတတ်အောင် လေ့လာ မှတ်သားတာကို ဆိုလိုခြင်းပါပဲ။
အထက်နားမှာ တင်ပြခဲ့ ပြီးတဲ့ အတိုင်း အခြေအနေ လိုအပ်ချက်အလိုက် ဆိုရာမှာ အဓိက နှစ်မျိုးဖြစ်တယ်။ (1) Voice - Active လား၊ Passive လား၊ (2) Tense - Present လား ၊ Past လား စသည်။ဒီနှစ်မျိုးလုံး မြန်မာမှာမရှိလေတော့ အကျင့်ပါနေအောင် နာနာလေးလေ့ကျင့်ပေးဖို့ လိုအပ်တယ်။ နို့ မို့ ရင်ဖြင့် ( ကောင်လေး မုန့် စားတယ် ) ၊ ( ကျနော် ဇာတိရွာကို လာတယ် ) ဆိုတာမျိုးလို ဘယ်တုန်းက စားမှန်းလည်း မသိ၊ ဘယ်တုန်းက လာမှန်းလည်း မသိတဲ့  ၀ါကျမျိုးတွေ အင်္ဂလိပ်လို ဖွဲ့ မိသွားတတ်တယ်။အခု ဒီအခြေအနေ လိုအပ်ချက်အလိုက် Verb ရဲ့ရုပ် ပြောင်းလဲမှုများကို ဆွေးနွေးချင်ပါတယ်။
Simple Present Tense
Write
Writes
များသောအားဖြင့် Verb ကို ဘာမှ မလုပ်ပေးဘဲ I, We, You, They တို့ နဲ့  တွဲသုံးတာ၊ Verb မှာ S ထည့်ပြီး he, she, it တို့ နဲ့  တွဲသုံးတာကို Simple Present Tense လို့ ခေါ်တယ်။ လုပ်လေ့လုပ်ထရှိတဲ့ ကိစ္စ အခြေနေမျိုးမှာ သုံးတယ်။ ဥပမာ နေ့ စဉ်နှင့် အမျှ ကျောင်းသွားရတဲ့ ကိစ္စဆိုပါတော့ ။
I go to school.
တစ်ဦးတစ်ယောက်က အင်္ဂလိပ်စာ ကောင်းကောင်းရေးတတ်နေပြီ အမြဲမှန်မှန်ကန်ကန် ရေးလေ့ရှိတယ်ဆိုပါတော့......
He writes English well.
ဒီ Tense ဟာ သွားတယ် ။ လာတယ် ။ ရေးတယ် ၊ ဆိုတဲ့  မြန်မာစကားများနဲ့  ညီမျှတယ်လို့  မထင်ပါနဲ့  ။ အဲသလို ထင်လို့ ( ကောင်လေး မုန့် စားတယ် ) A boy eats a cake. ( ကျနော် ဇာတိရွာကို လာတယ် ) I come to my native village. ဖြစ်ကုန်ကြပြီ။
Verb အများစုကတော့ write- writes, go - goes လို့  လွယ်လွယ်ပဲ ရုပ်ပြောင်းပါတယ်၊ Be မှာတော့ ထူးခြားရုပ်များရှိတယ် ။ မှတ်သားပေါ့.....
I - am ,
we , You , They - are
He , She , It – is
Have - မှာတော့ ------
I , We , They , - have
He , She , It – has
ခုလို ပြခဲ့တဲ့ ရုပ်တွေကတော့ Active Voice ချည်းဖြစ်တယ် ။
Passive Voice မှာကျတော့ Be ရဲ့  ရုပ်တစ်ခုနဲ့  ပေးထားတဲ့ Verb ရဲ့  Past participle ရုပ်ကို တွဲပြီး လုပ်ယူရတယ်။ ဥပမာ- write ကနေ -
is written
are written
am written ဖြစ်လာတယ်။
ဒီတော့ ခုလို Passive လုပ်နိုင်ဖို့ အတွက် do - did - done , eat - ate - eaten ,see - saw -seen စတဲ့ ထူးခြား Verb တွေရဲ့ ရုပ်များကို အလွတ်ကျက်မှတ်ဖို့  လိုအပ်လာပြီ ။ ရိုးရိုး Verb အများစုကတော့ ed ထည့် ပေးရပေမယ့် ထူးခြား Verb တွေကလည်း အသုံးများတဲ့အတွက် ကျက်ဖြစ်အောင် ကျက်ပါလေ.......... မပျင်းပါနဲ့ ။ is wrote, are ate, am see ဆိုတာ အင်္ဂလိပ်စာဆရာများ အပြင်အမှားတွေပါပဲ။
အခုဆိုရင် Simple Present ကို Active ရော Passive ပါ စနစ်တကျ လုပ်တတ်သွားပြီလို့  ဆိုရမယ်။ သုံးတဲ့ အခါ အထက်က တင်ပြခဲ့ တဲ့ အတိုင်း အခြေအနေ စကားစပ်ကို စဉ်းစားပြီး ရုပ်မှန်အောင် သုံးပါ။ ဥပမာ- ( ကျွန်တော် သူ့ ဆီ တစ်ပါတ်တစ်ခါ စာရေးတယ် ) လို့  ပြောချင်တယ်ဆိုပါတော့ ၊ ကျွန်တော်က ရေးတဲ့ သူ ၊ဒီတော့ Active လား၊ Passive လား စဉ်းစား။ Active ပေါ့ ။ တစ်ပတ်တစ်ခါ စာရေးတယ်ဆိုတော့ ....... Simple Present ပေါ့။ ဒါကြောင့်.......
I write to her once week. လို့ ရေးရမယ် ။
တစ်ခါ ( စာကို မင်စိမ်းနဲ့  ရေးထားတယ် ) လို့  ပြောချင်တယ် ဆိုပါတော့  ။ စာကို လူကရေးတာဆိုတော့ စာကခံရတာ ။ ဒီတော့ Active လား ၊ Passive လား ။ Passive ပေါ့ ။ စာက singular ဆိုတော့ သုံးရမှာက is ၊ ဒီတော့..
The letter is written in green ink. လို့ ရေးရမယ်။
ဒီလိုစသဖြင့်  အဖက်ဖက်က လိုလေသေးမရှိအောင် မှတ်သားနာယူပြီး အပင်ပန်းခံကာ လေ့ကျင့်သွားပါက မကြာမီ အင်္ဂလိပ် Verb တွေ သုံးတတ်သွားပါလိမ့်မယ်။ 

Posted by ကိုတူး(မိတ္ထီလာ GTI)