အမေရိကန်နိုင်ငံ၏ လစာအကောင်းဆုံးအလုပ်များ

လူတွေရဲ့ အနာဂတ်မျှော်လင့်ချက်တွေကဘာတွေလဲ၊ အလုပ်အကိုင်ကောင်းကောင်း ရာထူးကောင်းကောင်း လစာကောင်းကောင်းဆိုတာ ပြောစရာတောင် မလိုဘူးထင်တယ်။

အလုပ်အကိုင်ကောင်းတစ်ခုဆိုတာ လွယ်လွယ် နဲ့ ရနိုင်မှာတော့ မဟုတ်ဘူး။ နေရာတစ်နေရာဆိုတာ တကယ်ရှာကြည့်မှ တကယ်မလွယ်တာတွေ့ရလိမ့် မယ်။ အလုပ်အတွက် ပညာလိုတယ်။ အတွေ့အကြုံ တွေလိုတယ်။ လမ်းကြောင်းမှန်လျှောက်လာခဲ့ဖို့လို တယ်။ ဒီခရီးကိုရောက်ဖို့ သူလည်းသွား၊ ငါလည်းသွား နေကြတာပဲ။ ဖြတ်လမ်းကိုသိပြီး အရင်ရောက်သွား သူတွေလည်း ရှိလိမ့်မယ်။ လမ်းမှားပြီး လိုရာမရောက် တာတွေလည်းရှိနိုင်တယ်။ လမ်းလွဲပြီး လှော်ရင်းနစ် သွားတာတွေလည်း ကြုံတွေ့နိုင်တာပဲ။

အမေရိကန် အလုပ်သမားဌာနက သူတို့နိုင်ငံရဲ့ အကောင်းဆုံးအလုပ် ၂၅ ခုကို ထုတ်ပြန်ကြေညာလိုက် တယ်။ သူတို့နိုင်ငံမှာ မက်လောက်တဲ့ လမ်းကြောင်းမှန်တွေပေါ့။ အဲဒီအထဲက ထိပ်ဆုံး ၁ဝ ခုကိုပဲကြည့် ရအောင်။ ဒီလမ်းကြောင်းအတိုင်းလျှောက်ရင် ကိုယ် လည်း တစ်နေရာရာတော့ ရောက်နိုင်လိမ့်မယ်ထင်တယ်။ ဒါမှမဟုတ် အဖြေတွေ့နိုင်ကောင်းပါရဲ့။

          ထိပ်ဆုံးလုပ်ငန်း ၁ဝ ခုမှာ ၈ ခုက ဆေးပညာ နဲ့ ပတ်သက်တဲ့လိုင်းတွေဖြစ်နေတာတွေ့ရတယ်။ ဒီတော့ အိုင်တီခေတ်လို့ပြောနေပေမယ့် အိုင်တီထက် ပိုပြီးတော့ ခေတ်စားတဲ့လုပ်ငန်းတွေရှိနေတာကို အသိအမှတ်ပြုရလိမ့်မယ်။

10.Natural Sciences Manager

အမြင့်ဆုံးလစာ - $97,560

ရင်းနှီးရမည့်ကာလ - ၆ နှစ်

သဘာဝသိပ္ပံမန်နေဂျာ လို့ပြောရမယ်ထင်တယ်။ အခြား သိပ္ပံပညာရှင်တွေကို ကြီးကြပ်ကွပ်ကဲရလိမ့်မယ်။ ဥပမာ စိုက်ပျိုးရေးဆိုင်ရာ သိပ္ပံပညာရှင်၊ ဓာတုဗေဒ၊ ဇီဝဗေဒနဲ့ ဘူမိဗေဒပညာရှင်တွေကို ကြီး ကြပ်ကွပ်ကဲရလိမ့်မယ်။ သုတေသနနဲ့ဖွံ့ဖြိုးရေးလုပ် ငန်းတွေမှာ ဆေးဝါးနဲ့ သဘာဝပတ်ဝန်းကျင်ဆိုင်ရာ အကြံပေးခြင်း၊ ဒေသအလိုက် အဖွဲ့အစည်းတွေအတွင်း အကြံပေးပုဂ္ဂိုလ်အဖြစ်ဆောင်ရွက်ခြင်းတွေကို လုပ်ဆောင်ရလိမ့်မယ်။ သူတို့ကို ကိုယ်ပိုင်စမ်းသပ် ခန်းတွေ ပေးထားလိမ့်မယ်။ ဥပဒေရေးရာတွေမှာလည်း ကျွမ်းကျင်ပညာရှင်တစ်ယောက်အနေနဲ့ ဝင်ရောက်အကြံပေးရတာမျိုးတွေ လုပ်ပေးရလိမ့် မယ်။

          သူတို့ပိုင်ဆိုင်ထားရမယ့် ဘွဲ့နဲ့ လုပ်ငန်းအတွေ့ အကြုံတွေရှိတယ်။ MBA ဘွဲ့လိုမျိုး၊ သက်ဆိုင်ရာနယ် ပယ်အလိုက် ဒေါက်တာဘွဲ့လိုဟာမျိုး ရရှိထားဖို့လို တယ်။ အချို့လုပ်ငန်းခွင်တွေမှာ အလုပ်ရှင်တွေက ပညာရေးဘွဲ့အတွက် သီးခြားခံစားခွင့်တွေ ပေးတတ် တာမျိုးလည်းရှိတယ်။ လုပ်ငန်းအတွေ့အကြုံတွေ အနေနဲ့ marketing အပိုင်း၊ sale အပိုင်း၊ finance အပိုင်းတွေ ကျွမ်းကျင်ခဲ့ဖို့လိုလိမ့်၏မယ်။ အမြင်ထက် မြင်ခြင်း၊ ဆုံးဖြတ် သုံးသပ်နိုင်စွမ်းရှိခြင်း၊ လုပ်ငန်းဆိုင် ရာ ဗဟုသုတပြည့်ဝခြင်း၊ ဈေးကွက်ကိုကောင်းကောင်း နားလည်ပြီး အရောင်းပိုင်းကိုနားလည်အကြံပြုနိုင်သူ တွေဟာ ဒီအလုပ်အတွက် အသင့်လျော်ဆုံးပုဂ္ဂိုလ်တွေ ဖြစ်ပါလိမ့်မယ်။

9.Marketing Manager

အမြင့်ဆုံးလစာ - $100,020

ရင်းနှီးရမည့်ကာလ - ၄ နှစ်မှ ၆ နှစ်

ဈေးကွက်မန်နေဂျာ တွေဆိုတာ CEO တွေလိုပါပဲ။ လုပ်ငန်းနယ်ပယ်အတော်များများကို တာဝန်ယူရပါ တယ်။ လုပ်ငန်းငယ်လေးတွေမှာလည်း ဈေးကွက်မန် နေဂျာတွေဟာ မီဒီယာနဲ့မဟုတ်သည့်တိုင်အောင် အနည်းဆုံး Yellow Page လောက်မှာ ကြော်ငြာကဏ္ဍ တွေအတွက် တာဝန်ယူပေးရတယ်။ ဈေးကွက် အတွက် ကြော်ငြာဘယ်လောက်သုံးမလဲ၊ ဘယ်လို ကြော်ငြာရင်ထိရောက်မလဲ၊ ဘယ်သူတွေနဲ့ကြော်ငြာ မလဲကအစ သူ့တာဝန်တွေဖြစ်နေတယ်။ သူဟာ ပြည်သူ့ဆက်ဆံရေးသဘောတရားတွေ၊ ကိုယ့်တံဆိပ် (brand) ကို ဘယ်လိုပေါက်အောင် ဖောက်ရမယ်ဆို တာတွေ၊ မီဒီယာကို ဘယ်လိုဝယ်ရမလဲ၊ လုပ်ငန်းတိုး တက်ဖွံ့ဖြိုးရေးအတွက် ဘယ်သူ့တွေကိုပေါင်း၊ ဘယ် လိုအလှည့်အပြောင်းလုပ်ရမယ်ဆိုတာတွေကအစ ကျွမ်းကျင်နေသူဖြစ်ရမယ်။ အဓိက ဘဏ္ဍာရေးနဲ့ ရငွေ၊ သုံးငွေပိုင်းဖြတ်နိုင်စွမ်းဟာ သူ့အတွက် အရေး ကြီးတယ်။

          သူတာဝန်ယူရမယ့်အပိုင်းက ကိုယ့်အဖွဲ့အစည်း ရဲ့ အတိုင်းအတာ၊ ပမာဏ၊ အနာဂတ်အားလုံးကို အကျိုးရှိအောင် ပိုင်းဖြတ်လုပ်ဆောင်တတ်ဖို့လို တယ်။ ဥပမာ ကိုယ့်အလုပ်ရဲ့ အနာဂတ်ကို ကိုယ့် တာဝန်လို့သဘောထားပြီး အကြံပြုနိုင်တဲ့ အရည် အချင်းမျိုးတွေရှိရမယ်။

          အခြားအဖွဲ့အစည်းတွေနဲ့ ဆက်သွယ်ပေါင်းစည်း နိုင်စွမ်း၊ ဈေးကွက်အတွက် အကျိုးရှိစွာ အသုံးချနိုင် စွမ်း၊ အခြေခံ စီမံခန့်ခွဲရေးဆိုင်ရာ ကျွမ်းကျင်မှုတွေ ရှိခြင်းက သူ့လုပ်ငန်းကို အများကြီးအထောက်အကူပြု လိမ့်မယ်။ အနည်းဆုံး လေးနှစ်တက် ဘွဲ့တစ်ခုခုတော့ ရှိပြီးသားဖြစ်ရမယ်။ MBA ဘွဲ့ရထားသူဆိုရင် ပိုပြီး တော့ သင့်လျော်တယ်။ ကိုယ့်အလုပ်ကိုယ့်ဂုဏ်နဲ့ လည်း MBA ဘွဲ့ရပြီးသားဆိုတာက စကားပြောပါလိမ့် မယ်။

8.Computer and Information Systems Manager

အမြင့်ဆုံးလစာ - $100,110

ရင်းနှီးရမည့်ကာလ - ၄ နှစ်မှ ၈ နှစ်

ကွန်ပျူတာနဲ့ သတင်းအချက်အလက်မန်နေဂျာ ဆိုတဲ့ ရာထူးဟာ ကုမ္ပဏီတစ်ခုရဲ့ အိုင်တီ (information technology) ဆိုင်ရာနည်းဗျူဟာချမှတ်ခြင်း၊ လမ်းကြောင်းရွေးချယ်ခြင်းတွေနဲ့ ပတ်သက်ပြီး တာဝန်ယူရတယ်။ System တွေအတွက် စီမံကိန်း (plan)တွေကို ချမှတ်ပေးရတယ်။ ဒီလုပ်ငန်းအတွက် တာဝန်ယူရသူ တွေဟာ များသောအားဖြင့် အိုင်တီလောကရဲ့ programmer တွေ၊ analyst တွေဖြစ်တတ်တယ်။ သူတို့မှာ ကွန်ပျူတာဆိုင်ရာ အတွေ့အကြုံဗဟုသုတ တွေရှိနေဖို့ အရေးကြီးတယ်။ ကိုယ့်လုပ်ငန်း သို့မဟုတ် ကုမ္ပဏီကြီးတစ်ခုလုံးအတွက် သတင်း အချက်အလက်နဲ့ စနစ်အားလုံးကို စီမံခန့်ခွဲနိုင်သူ တစ်ယောက်အဖြစ် အရေးပါတဲ့အခန်းကဏ္ဍကနေ တာဝန်ယူဆောင်ရွက်ရမှာဖြစ်ပါတယ်။ ဒါကြောင့် ဒီခေတ်မှာ ရာထူးနေရာကောင်းကောင်း၊ လစာ ကောင်းကောင်း အလုပ်တစ်ခုအနေနဲ့ သတ်မှတ်ထား ကြတယ်။ ကုမ္ပဏီရဲ့အိုင်တီဆိုင်ရာကိစ္စတွေမှာ တာဝန်ယူထားရသူဖြစ်လို့ security အပိုင်းလည်း သူ့ ခေါင်းပေါ်ပဲကျလာတယ်။ ကုမ္ပဏီတစ်ခုရဲ့ အိုင်တီ ဆိုင်ရာ စီမံခန့်ခွဲမှု၊ ထိရောက်စွာအသုံးချနိုင်မှု၊ အသုံးပြုမယ့် ဆော့ဖ်ဝဲနဲ့ application တွေကို ရွေးချယ်မှု၊ ယုံကြည်စိတ်ချရကြောင်း အာမခံနိုင်မှု၊ ကုမ္ပဏီအပေါ်လေးစားတာဝန်ခံနိုင်မှုတွေအားလုံး လုပ်ဆောင်ရလိမ့်မယ်။

          ဒီလုပ်ငန်းတွေ တာဝန်တွေဆိုတာ အိုင်တီနယ် နဲ့ပတ်သက်တဲ့အတွက် အချို့သောဌာနတွေ၊ ကုမ္ပဏီတွေမှာ အသစ်အဆန်းဖြစ်နေလိမ့်မယ်။ ဒါကြောင့် ဒီလုပ်ငန်းကြီးတစ်ခုလုံးကို တာဝန်ယူရမယ့်သူတစ်ယောက်ဟာ သာမန်ပညာ၊ သာမန်အတွေ့အကြုံလောက်ရှိတဲ့ ပရိုဂရမ်မာဆိုတာလောက်နဲ့ မလုံလောက်ပါဘူး။ ဒီဘက်ပိုင်းမှာ အိုင်တီကို နေရာတိုင်းလိုလို အလေးပေးလာတာနဲ့အညီ ကိုယ့်ဘက်ကခိုင်မာတဲ့ ကွန်ပျူတာနယ်က အနည်းဆုံးလေးနှစ်ဘွဲ့ တစ်ဘွဲ့၊ ကွန်ပျူတာအင်ဂျင်နီယာဘွဲ့၊ ကွန်ပျူတာ သချင်ာပညာရှင်ဘွဲ့စတာတွေလောက်တော့ ပိုင်ဆိုင် ထားမှ ကိုယ့်ရာထူးအတွက် စိတ်ချရလိမ့်မယ်။

7.Air Traffic Controller

အမြင့်ဆုံးလစာ - $100,430

ရင်းနှီးရမည့်ကာလ - ၉ နှစ်

ဒီလုပ်ငန်းအတွက် FAA (Federal Aviation Administration) လောက်မှာတာဝန်ထမ်းဆောင်ခဲ့သူ ဖြစ်ဖို့လိုတယ်။ လေကြောင်းထိန်းသိမ်းရေးလုပ်ငန်းဟာ ပုဂ္ဂလိကလေကြောင်း၊ လုပ်ငန်းကြီးတွေအတွက် လေကြောင်းလုပ်ငန်းတွေအတွက်ပါ အရေးပါတဲ့ လုပ်ငန်းကြီးတစ်ခုဖြစ်လာတယ်။ သူတို့တာဝန်ယူရတဲ့ အပိုင်းဟာ လေကြောင်းပျံသန်းရေးအတွက် လုံခြုံ ရေး၊ ထွက်ခွာရေး၊ ခရီးစဉ်နှောင့်နှေးမှုမရှိစေရေးအားလုံးတာဝန်ယူရတယ်။ လုပ်ငန်းသဘောတရားအရ အဖွဲ့အစည်းနဲ့ ပူးပေါင်းဆောင်ရွက်ရတဲ့ လုပ်ငန်းမျိုး ဖြစ်ပြီး၊ လေယာဉ်ထွက်ခွာရေး၊ ဆင်းသက်ရေး၊ ဂိတ် မှာ အကြိုယာဉ် တက္ကဆီတွေထားရှိရေး၊ လေယာဉ် မောင်များနဲ့ဆက်သွယ်ပြီး ရာသီဥတုအနေအထား ကိစ္စရပ်များ သတိပေးရေးတွေကအစ တာဝန်ယူပေး ရတယ်။

          လေကြောင်း ထိန်းသမ်းရေးမှူးတာဝန်ယူထား ရသူတစ်ယောက်ဖြစ်လာဖို့ FAA ကထုတ်ပေးတဲ့ အသိအမှတ်ပြုလက်မှတ်ရရှိဖို့လိုပါတယ်။ သူတို့ထုတ် စမ်းသပ်စစ်ဆေးတဲ့ စစ်ဆေးမှုကို အောင်မြင်ရပါ တယ်။ တကယ်လို့ စစ်ဘက်မှာ လေကြောင်းတာဝန် ထမ်းဆောင်လာခဲ့သူတွေအတွက်ကတော့ စစ်ဆေး စမ်းသပ်မှုက ကင်းလွတ်ခွင့်ရှိပါတယ်။ လေးနှစ်တက် ဘွဲ့တစ်ခုခုရှိရပါလိမ့်မယ်။ သုံးနှစ် လုပ်ငန်းအတွေ့ အကြုံရှိရပါမယ်။ စာမေးပွဲစစ်ဆေးတာကို ဖြေဆို အောင်မြင်မှလက်ခံပါတယ်။ စာမေးပွဲအောင်လို့ ရွေးချယ်ခြင်းခံရရင် လုပ်ငန်းခွင်မဝင်မီ ၁၂ ပတ် သင်တန်းတစ်ခုတက်ရပါတယ်။ လုပ်ခွင်ကိုလည်း အလုပ်သင်အဖြစ် ၂ နှစ်ကနေ ၄ နှစ်လောက်အထိ ဆက်လုပ်ရတယ်။ ကျွမ်းကျင်အဆင့်သတ်မှတ်မှ ဒီရာထူးအတွက် တရားဝင်ငှားရမ်းခန့်အပ်ခြင်းခံရ တယ်။

6.Lawyer       

အမြင့်ဆုံးလစာ - $110,590

ရင်းနှီးရမည့်ကာလ - ရ နှစ်

အသက် ၁ဝဝ မနေရ၊ အမှု ၁ဝဝ ပွေတတ်တဲ့လောကကြီးမှာ ရှေ့နေတွေရှေ့တန်းရောက်လာတာ မဆန်းပါဘူး။ ရှေ့နေတစ်ယောက်ဖြစ်လာဖို့ ဖြတ်လမ်းနည်း မရှိပါဘူး။ ဥပဒေရေးရာတွေကို နှံ့စပ်ကျွမ်းဝင်အောင် အချိန်အများကြီးပေးရတယ်။ ဥပဒေဆိုတဲ့နေရာမှာလည်း တရားမမှု၊ ရာဇဝတ်မှုအားလုံးပိုင်နိုင်ဖို့လိုတယ်။ ဒီနေ့ခေတ်ရှေ့နေတစ်ယောက်ဟာ ပတ်ဝန်းကျင်ဆိုင်ရာဥပဒေ၊ ဖျော်ဖြေရေးဆိုင်ရာဥပဒေ၊ မိသားစုဥပဒေ၊ အိမ်ခြံမြေဆိုင်ရာဥပဒေ၊ မူပိုင်ခွင့် ဥပဒေ၊ တရားမဥပဒေတွေကအစ ဥပဒေကြောင်းကို အတော်လေး ပိုင်နိုင်သိရှိထားဖို့လိုပါတယ်။ အချို့ ရှေ့နေတွေကတော့ တစ်လိုင်းလိုင်းကို သီးခြားရွေး ပြီး အထူးပြုလိုက်ကြတယ်။ ဥပမာ ဆောက်လုပ်ရေး၊  ထိန်းသိမ်းရေး၊ လုံခြုံရေး၊ အသက်အာမခံစသဖြင့် သီးခြားရပ်တည်ကြသူတွေလည်းရှိတယ်။ အချို့က လည်း ပုဂ္ဂလိကအကြံပေးလုပ်ကြသလို၊ အစိုးရ ရှေ့နေ၊ တရားရုံးရှေ့နေ၊ အမှုလိုက်ရှေ့နေစသဖြင့် အမျိုးမျိုးလုပ်ဆောင်ကြတယ်။

          လုပ်ငန်းတွေက ကြီးမားလေ၊ လုပ်ဆောင်မှုတွေ၊ အဆင်ပြေစွာ လည်ပတ်နိုင်မှုတွေအတွက် အရေးကြီး လာတယ်။ ဒါကြောင့် သမာသမတ်ကျမှု၊ ဖြောင့်မတ်မှုစတဲ့ ကိုယ်ကျင့်တရားဆိုင်ရာ ကိစ္စတွေကလည်း ဒီလုပ်ငန်းမှာ အရေးပါလာရတယ်။ ရှေ့နေတစ်ယောက်ဖြစ်လာဖို့ ရှေ့နေဘားကောင်စီက ကျင်းပတဲ့ စာမေးပွဲကိုအောင်မြင်ရတယ်။ လုပ်ငန်းအတွေ့အကြုံ အတွက် ကြိုက်တဲ့ဆီမှာ အလုပ်သင်ရှေ့နေအဖြစ် ဆောင်ရွက်ခွင့်ရှိတယ်။ တရားရုံးအတွေ့အကြုံတွေ အပြင် လေးနှစ်တက် ဥပဒေဘွဲ့ သို့မဟုတ် ဥပဒေ ကျောင်းကပေးတဲ့ ABA ဘွဲ့တော့ရထားဖို့လိုတယ်။ ဒီဘွဲ့ရဖို့အတွက်ဆိုရင်တောင် သုံးနှစ်လောက်တက်ရ တယ်။

5.Dentist

အမြင့်ဆုံးလစာ - $132,660

ရင်းနှီးရမည့်ကာလ - ၈ နှစ်

တကယ့် အထူးအလုပ်လို့ဆိုရမယ်။ သွားနဲ့ မေးရိုး ဆိုင်ရာအထူးကု၊ ပါးစပ်နဲ့ ခံတွင်းအထူးကု၊ ကလေး အထူးကုဆိုတာတွေက တကယ့်ကိုရှားပါးပစ္စည်းဖြစ် ကုန်ပြီ။ သွားဆရာဝန်ဆိုတာ တကယ်ကျွမ်းကျင်ရင် ကျွမ်းကျင်သလောက် လက်ဖြားငွေသီးနိုင်သူတွေပါ။

          သွားဆရာဝန်လုပ်တော့မယ်ဆိုရင် လိုင်စင်လို တယ်။ နိုင်ငံမှာရှိတဲ့ သွားပညာကျောင်း ၅၆ ကျောင်းအနက် တစ်ကျောင်းကျောင်းကနေ ADA လက်မှတ်ရမှ လိုင်စင်ထုတ်ပေးတယ်။ လိုင်စင် အတွက် ရေးဖြေနဲ့ လက်တွေ့စာမေးပွဲ နှစ်မျိုးစလုံး အောင်မှရတယ်။ ကျောင်းဆိုပေမယ့်  ၂ နှစ်တက်ရပြီး ကောလိပ်အဆင့်နဲ့ညီတဲ့ လက်မှတ်ထုတ်ပေးတာ။ ပြီး တော့မှ နောက်ထပ်ကျောင်းဆက်တက် ဘွဲ့ရတယ်။ သွားပညာကျောင်းတက်သူတွေဟာ အနည်းဆုံး သုံး လေးနှစ်လောက် လက်တွေ့ဆင်းကြရတယ်။ စပယ် ရှယ်လစ်တစ်ယောက်ဖြစ်အောင်လည်း နောက်ထပ် ၂ နှစ်ကနေ ၅ နှစ်လောက်အထိထပ်ပြီး လေ့လာကြ ရတယ်။

4.       Airline Pilot

အမြင့်ဆုံးလစာ - $134,090

ရင်းနှီးရမည့်ကာလ - ၅ နှစ်မှ ၁ဝ နှစ်

လေယာဉ်မှူးတစ်ယောက်ဟာ ပုဂ္ဂလိကလေကြောင်း လိုင်းတစ်လိုင်းလိုင်းမှာ ခရီးသည်တင် လေယာဉ် မောင်းဖူးရုံမက၊ ဟယ်လီကော်ပတာ၊  ကုန်တင် လေယာဉ်၊ အပျော်စီးယာဉ်အားလုံးမောင်းဖူး (မောင်းနိုင်) တဲ့သူဖြစ်ဖို့လိုတယ်။ နောက်ဆုံး ခရီးသည်တင်လေယာဉ်မောင်းတဲ့ လေယာဉ်မှူးဘဝမှာ တော့ တကယ့်စတိုင်ကျကျ၊ စမတ်ကျကျနဲ့ ဟန်ကျသွားတာပေါ့။

          တစ်လကို နာရီ ၁ဝဝ ပဲမောင်းရမယ်ဆိုတဲ့ FAA (Federal Aviation Administration) ရဲ့ဥပဒေကို လိုက် နာရတယ်။ လေယာဉ်မှူးတစ်ယောက်ဖြစ်အောင် လက်မှတ်ရဖို့ဆိုတာကတော့ သိပ်မလွယ်ဘူး။ အနည်းဆုံး အသက် ၁၈ နှစ်ပြည့်ပြီးဖြစ်ရတယ်။ လေ ယာဉ်မောင်းနာရီစုစုပေါင်း အနည်းဆုံး နာရီ ၂၅ဝ အတွေ့အကြုံရှိရတယ်။ ဒါမှ အခြေခံလိုင်စင်စရတယ်။ လေကြောင်းလိုင်းတစ်ခုခုမှာ လေယာဉ်မောင်းဖို့ဆိုတာ အနည်းဆုံး အသက် ၂၃ နှစ်ပြည့်ပြီးဖြစ်ရတယ်။  နာရီ ၁၅ဝဝ မောင်းသက်အတွေ့အကြုံရှိရမယ်။ FAA ကစမ်းသပ်စစ်ဆေးတဲ့ စစ်ဆေးမှုကို အောင်မြင်ရ မယ်။ အဲဒီစာမေးပွဲက ရေးဖြေရော၊ ပျံသန်းမှုရော၊ ပစ္စည်းတွေနဲ့ လက်တွေ့စစ်ဆေးမှုရောပါတယ်။

          လေယာဉ်မှူးတစ်ယောက်မှာ လေးနှစ်တက် ဘွဲ့ တစ်ခုလောက်နဲ့ မလုံလောက်ဘူး။ လေကြောင်းလိုင်း တွေက တစ်ခုနဲ့တစ်ခုပြိုင်နေတာဆိုတော့ အရည် အချင်းဘွဲ့တွေလည်း ပြိုင်နေတာကို သတိပြုရမယ်။  ပျံသန်းမှုအတွေ့အကြုံအတွက် လက်တွေ့နာရီရဖို့ဆို တာ ငွေတွေအများကြီးပေးရတယ်။ ဒါကြောင့် လေယာဉ်မှူးအတော်များများဟာ စစ်ထဲဝင်ပြီး တပ်ထဲက လေယာဉ်ပျံသန်းချိန်နဲ့ အတွေ့အကြုံတွေ ယူခဲ့ကြတာများတယ်။ လေကြောင်းလိုင်းတွေက ငှား လိုက်ပြီဆိုရင်လည်း ၅ နှစ်ကနေ ၁၅ နှစ်အတွင်း လေယာဉ်မှူးဖြစ်လာပြီး ဘဝအာမခံချက်ရသွားနိုင် တယ်။

3.Engineering Manager

အမြင့်ဆုံးလစာ - $140,210

ရင်းနှီးရမည့်ကာလ - ၆ နှစ်မှ ရ နှစ်

အင်ဂျင်နီယာမန်နေဂျာဆိုတာ စီမံကိန်းလုပ်ငန်း၊ ဖက်စပ်လုပ်ငန်း၊ သုတေသနလုပ်ငန်း၊ ပုံစံချခြင်း၊ ထုတ်လုပ်ခြင်းစတဲ့လုပ်ငန်းတွေအတွက် တာဝန်ယူ ဆောင်ရွက်ပေးရသူတွေဖြစ်တယ်။ သူတို့ဟာ natural science  မန်နေဂျာတွေ၊ information system မန်နေဂျာတွေကိုပါ ကြီးကြပ်ကွပ်ကဲရသူတွေဖြစ်တယ်။

          အင်ဂျင်နီယာမန်နေဂျာတွေဟာ တိကျတဲ့နည်း ပညာဆိုင်ရာနယ်ပယ်တစ်ရပ်ရပ် သို့မဟုတ် သိပ္ဋံ နည်းကျကျ ပန်းတိုင်တစ်ခုခုရောက်အောင် ပို့ပေးနိုင် စွမ်းရှိရတယ်။ ပရောဂျက်တစ်ခုလုံးအတွက် ဖြစ်လာ နိုင်တဲ့အလားအလာ၊ ဘဏ္ဍာရေးဆိုင်ရာပြဿနာတွေ ကအစ အားလုံးတာဝန်ယူရတယ်။ လက်တွေ့ပြဿနာ အားလုံးကို နည်းပညာပိုင်း၊ အတတ်ပညာပိုင်းတွေ အားလုံးနဲ့ ရင်ဆိုင်ဖြေရှင်းပေးရတယ်။ အထူးသဖြင့်  အင်ဂျင်နီယာမန်နေဂျာအပိုင်းမှာ အိုင်တီဆိုင်ရာ ဆီမီးကွန်ဒပ်တာထုတ်လုပ်ရေးအပိုင်း၊ အီလက်ထရော နစ်ပစ္စည်းထုတ်လုပ်မှုအပိုင်းတွေမှာ တာဝန်ယူရတဲ့  အင်ဂျင်နီယာတွေက လစာပိုကောင်းကြတယ်။

          အနည်းဆုံး အင်ဂျင်နီယာဆိုင်ရာ ဘွဲ့တစ်ခုခု ရရှိထားဖို့လိုတယ်။ အချို့လည်း ဘွဲ့လွန်တွေတောင် ရထားကြတယ်။ အထူးသဖြင့် အင်ဂျင်နီယာဘွဲ့တွေ အပြင် MBA ဘွဲ့တွေကိုပါ ပိုင်ဆိုင်ထားကြတယ်။ သိပ္ပံဘွဲ့ဆိုရင်လည်း မာစတာဘွဲ့တွေ၊ ဒေါက်တာဘွဲ့ တွေတောင်ပါတယ်။

2.Chief Executive Officer (CEO)

အမြင့်ဆုံးလစာ - $140,880

ရင်းနှီးရမည့်ကာလ - အမျိုးမျိုးရှိနိုင်

CEO ဆိုတာ ကုမ္ဋဏီတစ်ခုရဲ့ အမြင့်ဆုံးရာထူးလို့ တောင်ပြောနိုင်တယ်။ လစာလည်းကောင်းတယ်။ သူတို့ဟာ လုပ်ငန်းရဲ့ ဦးတည်ချက်နဲ့ ဗျူဟာကိုချမှတ် နိုင်စွမ်းရှိသူတွေဖြစ်ရမယ်။ ကုမ္ပဏီရဲ့ တိုးတက်ရာ တိုးတက်ကြောင်းကိုလည်း လမ်းပြခေါ်သွားနိုင်သူ တွေဖြစ်ရမယ်။ ဒါရိုက်တာဘုတ်အဖွဲ့ကို CEO တစ် ယောက်ဟာ အမြဲတန်းတာဝန်ခံပြီး ပြောပေးနေရ တယ်။ အားလုံးဟာ လုပ်ငန်းရဲ့ ရှယ်ယာရှင်တွေဖြစ်နေ ပြီး သူတို့လက်ခံနိုင်အောင် စွမ်းဆောင်ပြနိုင်စွမ်းလည်း ရှိရတယ်။ လုပ်ငန်းသေးကုမ္ပဏီလေးတွေဆိုရင် CEO တစ်ယောက်ဟာ ဘုတ်အဖွဲ့ရဲ့ ဥက္ကဋ္ဌရာထူးကိုပါ တာဝန်ယူထားရသူတွေ ဖြစ်နေတတ်တယ်။ ဒါရိုက် တာဘုတ်အဖွဲ့ဝင်လည်း ဖြစ်ကောင်းဖြစ်နိုင်ပါတယ်။

          CEO တစ်ယောက်ဖြစ်လာစရာ လမ်းကြောင်း တွေအများကြီးရှိပါတယ်။ များသောအားဖြင့်တော့ အောက်ခြေကတက်လာတဲ့ CEO တစ်ယောက်ဟာ နှစ်ပေါင်း ၃ဝ လောက်ကြာမှ ဒီရာထူးကို ရလာတတ် တာတွေ့ရပါတယ်။ ကိုယ့်ကုမ္ပဏီကိုယ်ထောင်၊ ကိုယ့်ကိုယ်ကို CEO ရာထူးပေးထားတဲ့ သူတွေလည်းရှိပါတယ်။ ကိုယ်တိုင်လုပ်၊ ကိုယ်မလုပ်ရင်ပြုတ်မှာဆိုတော့ ကိုယ်ပိုင်ကုမ္ပဏီရဲ့ CEO ဘွဲ့ခံတွေလည်း တာဝန်ရှိမှာအမှန်ပါပဲ။

          ဒီခေတ်မှာ သာမန်ဘွဲ့လောက်ဆိုတာတွေကို ထည့်တောင်တွက်ကြတော့တာမဟုတ်ဘူး။ CEO တစ်ယောက်အတွက် အနည်းဆုံးထိုက်တန်တဲ့ဘွဲ့က MBA လောက်ဖြစ်နေပြီ။ ဒါပေမယ့် ဘီလ်ဂိတ်စ်ဆိုတဲ့ သူ CEO သာဖြစ်သွားတယ် ကျောင်းတောင်ပြီးတာ မဟုတ်ဘူး။

1.Surgeon

အမြင်ဆုံးလစာ - $181,850

ရင်းနှီးရမည့်ကာလ - ၁ဝ နှစ်မှ ၁၅ နှစ်

အမေရိကန်နိုင်ငံရဲ့ လစာအကောင်းဆုံးအလုပ်ဟာ ဆရာဝန်အလုပ်ပါတဲ့။ အသက်မွေးဝမ်းကျောင်း အလုပ်တွေထဲမှာ အခိုင်ဆုံးဖြစ်နေတာကြောင့် ခွဲစိတ် အထူးကုသမားတော်ကြီးတွေဖြစ်အောင် ကြိုးစားအားထုတ်သူတွေများလာပါတယ်။ သာမန်ဖျားနာကု ရိုးရိုးဒေါက်တာတွေထက် ခွဲစိတ်ကုဒေါက်တာတွေက ပိုပြီးလစာကောင်းကြတယ်။ ခွဲစိတ်ကုဆိုတဲ့နေရာမှာ လည်း နှလုံးလား ဦးနှောက်လား လိုင်းကွဲသွားသေး တယ်။

          သာမန်အထွေထွေခွဲစိတ်ကုဆရာဝန်တွေက တော့ အတွေ့အကြုံများလာတာနဲ့အမျှ ရပ်တည်နိုင် ဖို့ မခက်ပါဘူး။ သူတို့ဆီမှာ ဆေးပညာအတွက် သာမန် လေးနှစ်ဘွဲ့တစ်ခုခုကိုအရင်ယူရတယ်။ အထူးသဖြင့်တော့ ဇီဝဗေဒတွဲနဲ့ သိပ္ဋံဘာသာတွဲတွေ ကို ယူထားသူတွေကတော့ ဆေးကျောင်းဆက်တက် ဖို့ အဆင်ပြေတယ်။ ကောလိပ်အဆင့် လေးနှစ် တက်ရတယ်။ ပထမ ၂ နှစ်က စာတွေ့၊ နောက် ၂ နှစ်က လက်တွေ့ဆင်းရတယ်။ လက်တွေ့ဆင်းတဲ့အခါ ဒီမှာ ဟောက်စ်ဆင်းသလိုပဲ ဆရာတွေနဲ့ အနီးကပ် ထိတွေ့ပြီး လမ်းညွှန်သင်ယူမှုကို တိုက်ရိုက်ခံယူကြရ တယ်။ နောက်တစ်ဆင့်က အလုပ်သင်အဆင့်။ ဆေးရုံတစ်ရုံမှာ ၃ နှစ်ကနေ ရ နှစ်အထိလက်တွေ့ လုပ်ကိုင်ကြရတယ်။ ဆေးရုံမှာ အလုပ်လုပ်နေတုန်း ကိုယ်ကြိုက်ရာဘာသာရပ်ကို အထူးပြုလေ့လာ သင်ယူခွင့်ရှိတယ်။ နောက်တစ်ဆင့်ကတော့ ဆေးကု သခွင့်အတွက် လိုင်စင်ယူဖို့ စာမေးပွဲဖြေရတယ်။ အောင်မှ အပြင်ထွက်ပြီး ဆေးကုသစားခွင့်ရှိတယ်။

          ဆရာဝန်အလုပ်ဆိုတာ အကျိုးအမြတ်များတဲ့ အလုပ်ဖြစ်နေလို့ ခပ်ပေါ့ပေါ့၊ ခပ်ပေါပေါနဲ့တော့ ဖြစ် လာလိမ့်မယ် မထင်ပါနဲ့။ ဆေးကျောင်းကထွက်လာတဲ့ ဘွဲ့ရ ၈ဝ ရာခိုင်နှုန်းလောက်ဟာ အပြင်မှာ ကြွေးပတ် ချာလည်ဝိုင်းပြီး ပြဿနာတက်နေရတယ်လို့ သိရ တယ်။

ဂဏန်းခြောက်လုံးလောက်ရတဲ့အလုပ်တွေ

         အထက်ကစာရင်းအတိုင်းဆိုရင်တော့ ဆရာဝန် အလုပ်ဟာ အကောင်းဆုံးနဲ့ ဖြစ်ဖို့လည်း  အခက်ဆုံး ဆိုတာ သဘောပေါက်လိမ့်မယ်ထင်ပါတယ်။ ဘယ်အလုပ်မဆို သူ့နေရာနဲ့သူ ရင်နှီးပေးဆပ်ရမှုတွေ ရှိ ပါလိမ့်မယ်။

          အမေရိကန်နိုင်ငံရဲ့ အလုပ်သမားဝန်ကြီးဌာနက ထုတ်ပြန်ထားတဲ့ အကောင်းဆုံး လုပ်ငန်း ၂၄ မျိုးဆို တာ တစ်နှစ်လစာ ဂဏန်းခြောက်လုံးလောက်ရတဲ့ အလုပ်တွေကိုပြောတာပါ။ အလုပ်တွေကို ပြန်ပြီး ဆန်းစစ်ကြည့်ရရင်

   1. Surgeon: $181,850

   2. Anesthesiologist: $174,610

   3. OB/GYN: $174,610

   4. Oral and maxillofacial surgeon: $169,600

   5. Internist: $156,790

   6. Prosthodontist: $156,710

   7. Orthodontist: $153,240

   8. Psychiatrist: $151,380

   9. Chief Executive Officer: $140,880

  10. Engineering Manager: $140,210

  11. Pediatrician: $140,000

  12. Family or general practitioner: $137,980

  13. Physician/surgeon, all other: $137,100

  14. Airline Pilot: $134,090

  15. Dentist: $132,660

  16. Podiatrist: $111,130

  17. Lawyer: $110,590

  18. Dentist, any other specialist: $106,040

  19. Air Traffic Controller: $100,430

  20. Computer and Information Systems Manager: $100,110

  21. Marketing Manager: $100,020

  22. Natural Sciences Manager: $97,560

  23. Sales Manager: $96,950

  24. Astronomer: $96,780

ကဲ ဒီစာရင်းကိုကြည့်ပြီး၊ စာတွေကိုဖတ်ပြီး ကိုယ်ဘာတွေ ပြင်ဆင်ထားဖို့လိုပြီလဲဆိုတာ သဘောပေါက်မယ် ထင်ပါတယ်။
Posted By မောင်စူးစမ်း (MTLA GTI)