Appleကုမ္ပဏီသည် ပဉ္စမမြောက် iPhoneမျိုးဆက်ကို အောက်တိုဘာ(၄)ရက်နေ့တွင် စတင်ပွဲထုတ်ဖွယ် ရှိနေကြောင်း သိရှိရသည်။ Apple၏ အမှုဆောင်ချုပ်အသစ်ဖြစ်သူ တင်မ်ကွတ်ခ်သည် ယင်းမိတ်ဆက်ပွဲကို ဦးဆောင်လိမ့်မည်ဟုလည်း All Things Digitalက ဖော်ပြခဲ့သည်။ Apple၏ အမည်ဖော်မပြသော အတွင်းလူတစ်ဦး၏အဆိုကို ကိုးကားပြီး ယခုလို သတင်းထွက်လာခြင်းဖြစ်သည်။ Appleသည် iPhone အသစ်ကို သီတင်းပတ်အနည်းငယ်အကြာတွင် မိတ်ဆက်ပြသမည်ဟု အရိပ်အမြွက် ပြောဆိုထားသည်။ iPhone 5 ဟု လက်တလော အမည်သတ်မှတ်ထားသည့် မိုဘိုင်းလ်ဖုန်းသည် ဈေးကွက်အတွင်း အပြင်းအထန် ပြိုင်ဆိုင်လာသည့် Android OSသုံး ဖုန်းများကို အသာစီးယူနိုင်မည်ဟု iPhone ပရိသတ်များက မျှော်လင့်နေသည်။ အတည်မပြုနိုင်သော သတင်းများအရ iPhone 5 ၏ ကိုယ်ထည်တည်ဆောက်ပုံသည် iPhone 4 ထက် ပိုမိုပါးလွှာနိုင်ပြီး CPU မြန်နှုန်း ပိုမိုမြင့်မားလာနိုင်ကြောင်း သိရသည်။ ထို့အပြင် iPhoneကို Hardware ပိုင်း တာဝန်ယူ ထုတ်လုပ်ပေးနေသည့် Foxconnသည် တစ်နေ့လျှင် iPhone 5 မော်ဒယ်လ် အလုံးရေ တစ်သိန်းခွဲမျှ ထုတ်လုပ်နေပြီ ဖြစ်ကြောင်းလည်း သိရှိရသည်။
Source: zdnetasia
Posted by မောင်စူးစမ်း(MTLA GTI)
No comments:
Post a Comment